Germaniya Daniya va Niderlandiya bilan hamkorlikda Ukrainaga Leopard 1A5 tanklarining qo‘shimcha partiyasini yuborishni rejalashtirmoqda. Bu haqda Germaniya mudofaa vaziri Boris Pistorius ma’lum qildi.
“Germaniya Daniya bilan qo‘shma loyiha doirasida Ukrainaga 58 ta Leopard 1A5 tanklarini yetkazib berdi. Yana 77 ta Leopard 1A5 tanklari imkon qadar tezroq Daniya va Niderlandiya bilan hamkorlikda yetkazib beriladi”, dedi Pistorius.
6-sentyabr kuni Ukraina prezidenti Vladimir Zelenskiy o‘zining Telegram kanalida Ramshteyn bazasida bo‘lib o‘tadigan aloqa guruhi yig‘ilishida ishtirok etish uchun Germaniyaga uchib ketganini ma’lum qildi.
Davlat rahbari uchrashuv arafasida ta’kidlaganidek, hozirda Kiyev G‘arbdagi hamkorlaridan mablag‘ va qurolga muhtoj.
Tadbirda AQSh Mudofaa vaziri Lloyd Ostin ham ishtirok etdi. Uchrashuvda Pentagon rahbari kun oxirigacha Amerika yetakchisi Jo Bayden Ukrainaga yangi harbiy yordam paketi ajratilishini e’lon qilishini aytdi. Uning hajmi 250 million dollarni tashkil qilishi kutilmoqda.
Izoh (0)