Gollivud yulduzlari muxlislarini hayratda qoldirishdan to‘xtamaydi. Ular ajoyib iste’dodi va rollari bilan birga o‘zlarining bilimi va bir necha tillarda so‘zlasha olish qobiliyati bilan barchamizga o‘rnak bo‘la oladi. Quyida ona tilidan tashqari boshqa xorijiy tillarda erkin muloqot qila oladigan mashhurlarni ko‘rib chiqamiz.
Natali Portman
“Leon” va “Qora oqqush” filmlari yulduzi Isroilda tug‘ilib o‘sgan bo‘lib, ivrit va ingliz tilidan tashqari yapon, nemis, fransuz va ispan tillarida gaplasha oladi. Garvard universitetini tamomlagan aktrisa bir nechta ilmiy ishlarni yozishni ham uddasidan chiqqan. Fransuz tilida ham ravon so‘zlashishiga uning turmush o‘rtog‘i — fransiyalik Benjamin Milpye sabab bo‘lgan. Natali hech qachon kinodagi biror rol uchun yangi til o‘rganmagan. U barcha bilimlarni katta qiziqishlari tufayli egallagan.
Jodi Foster
Bolaligida Jodi Foster Le Lycée Français de Los Anjeles maktabida tahsil olgan, u yerda darslar fransuz tilida olib borilgan. Olgan bilimlari Fosterga kinoda yordam berdi — u fransuz filmlarida ham rol o‘ynadi va ingliz tilidagi filmlarni fransuz tiliga shaxsan dublyaj qildi.
Jodining aytishicha, u Yeldagi safar davrida u italyan tilini ham o‘rgangan, OAVda aktyor ispan va nemis tillarini bilishi haqida xabar berilgan.
Tom Hiddlston
Tom Hiddlston ham poliglot yulduzlardan biridir. Uning ona tili ingliz tili bo‘lib, aktyor ispan, fransuz, koreys, rus, mandarin va hatto lotin tillarini ham biladi. Yulduz bularning barchasi unga turli xil rollarni ijro etish uchun yordam beradi, deb ta’kidlaydi.
Gvinet Peltrou
Aktrisa uchta til — ingliz, ispan va fransuz tillarida muloqot qila oladi. Aktrisaga ayniqsa ispan tilida so‘zlashish yoqadi, chunki u o‘smirlik chog‘ida oilasi bilan birinchi marta Ispaniyaga borgan va ushbu mamlakatga katta qiziqish uyg‘ongan. Peltrou Ispaniyani shunchalik yaxshi ko‘rar ediki, u deyarli har yili Ispaniyaga tashrif buyurishni odatga aylantirdi. Aktrisa farzandlariga ona tili ispan bo‘lgan enaga yollagan va shu tariqa bolalari ham turli tillarda so‘zlashishiga hissa qo‘shgan.
Jek Blek
Aktyor ispan va fransuz tilida so‘zlasha oladi. 2012-yilda Jek mustaqil ispan tilini o‘rgangan va talaffuzini mukammallashtirish uchun ko‘pincha oyna oldida mashq qilgan:
“Avvaliga ispan tilidagi tovushga ko‘nikish uchun, iloji boricha ko‘proq ispancha so‘zlarni o‘rganishga harakat qildim”, deydi aktyor.
Diana Kryuger
Aktrisa Germaniyada tug‘ilib o‘sgan, shuning uchun nemis tili uning ona tilidir. U maktabda lotin tilini o‘rgangan, ingliz tili bilan esa o‘smirlik davrida Londonda yashay boshlaganida tanishgan. Keyin u modellik karyerasi uchun Parijga ko‘chib o‘tgan va u yerda fransuz tilidan saboq olgan.
“Agar fransuz tilini bilmaganimda edi, hozirgi karyeraga ega bo‘lmas edim”, deydi Diana.
Kryugerning so‘zlariga ko‘ra, bir nechta tillarni bilish hayotni osonlashtiradi, yangi imkoniyatlar uchun eshiklarni ochadi va dunyoqarashni kengaytiradi.
Sandra O
Sandra O Kanadada tug‘ilgan, lekin ota-onasi mehnati tufayli ona tili bo‘lgan koreyschani yaxshi o‘rgangan. So‘ng u Kanada Milliy teatr maktabida o‘qish davrida fransuz tilidan saboq olgan. Bundan tashqari, u ispan tilida ham gaplasha oladi.
Viggo Mortensen
Kelib chiqishi daniyalik bo‘lgan amerikalik aktyor bolaligini Argentinada o‘tkazgan va u yerda ispan va ingliz tillarida gaplashishni o‘rgangan. Uning oilasi Nyu-Yorkka ko‘chib o'tganida bo‘lajak aktyor fransuz tilini o‘rgandi. “Odamlardan yiroq” filmini suratga olish jarayonida u fransuz tilining aljir dialektini hamda arab tillarini puxta egallagan. Bundan tashqari, Viggo norveg, shved, italyan va katalon tillarini ham biladi.
Penelopa Krus
Aktrisa Ispaniyada tug‘ilib o‘sgan va uzoq vaqt davomida faqat ispan tilida gapirgan. U birinchi marta Amerika filmlarida rol o‘ynaguniga qadar ingliz tilini yaxshi bilmagan. Keyinchalik Penelopa barcha nutqini yodlab olgan holda “Tepaliklar va vodiylar saltanati” filmi uchun tinglovdan o‘tgan. lekin aslida u ingliz tilini bilmaydi. Aktrisa hozirda italyan va fransuz tillarida ham so‘zlashadi.
Izoh (0)