Filmlar tomoshabinlarga zavq berib, kayfiyatni ulashishi bilan birga dunyo miqyosida rekord o‘rnatishi ham mumkin.
Eng ko‘p ishlatiladigan nom
Kinematografiya tarixi davomida ekranlarga yarim millionga yaqin to‘liq metrajli badiiy filmlar chiqdi. Agar bu raqamga qisqa metrajli filmlar, seriallar, hujjatli filmlar va boshqalarni qo‘shsak, ularning soni millionga yetishi mumkin. Buni hisobga olsak, 20-30 yildan so‘ng odamlar film va seriallarga qanday qilib yangi nomlar o‘ylab topishini tasavvur qilish qiyin. Chunki hatto 2024-yilda ham 30 martadan ortiq ishlatilgan nomlar mavjud.
Eng ko‘p qo‘llanadigan nom “Broken” bo‘lib, 2024-yilga kelib bu nomdagi filmlar soni 34 taga yetdi. Ularning orasida eng mashhuri 2012-yilda suratga olingan, bosh rolni Killian Myorfi ijro etgan filmdir. “Hero” va “Mother” nomlari mos ravishda ikkinchi va uchinchi o‘rinlarni egalladi. Kinematografiyada “Hero” nomli 33 ta, “Mother” nomli esa 30 ta film yaratilgan.
Gollivud filmidagi ilk hojatxona
-Dne30H0e.avif)
“Psixo” hojatxona ko‘rsatilgan birinchi film bo‘ldi. G‘alati tuyulishi mumkin, ammo 1960-yilgacha hech bir Gollivud filmida hojatxona sahnalari bo‘lmagan, bu ajablanarli emas, chunki bu mavzu odatda eski Gollivudda unchalik ko‘p bo‘lmagan qo‘rqinchli filmlar va komediyalarda tilga olinadi.
Filmdagi eng og‘ir kostyum
Superqahramonlik filmlari davrida ko‘plab noqulay kostyumlar paydo bo‘ldi. Aktyor uchun ularning salbiy tomonlari odatda ikki narsada namoyon bo‘ladi: ular yo juda og‘ir, yo lateksdan tayyorlangan. “Iks odamlar: Apokalipsis” filmida Oskar Ayzekning kostyumi 20 kilogramm edi, shu sababli u iloji boricha kamroq dam olishga harakat qilardi, chunki bunday kiyimda kun bo‘yi yurish imkonsiz edi. Biroq Oskarning kostyumi hali eng og‘iri emasdi. 1938-yilda “Mariya Antuanetta” filmi chiqadi, unda Norma Shirer 50 kilogrammlik kostyum kiyishga majbur bo‘ladi.
Eng uzun titr
-zO5OLld_.avif)
Kinematografiyada bor-yo‘g‘i bir necha ming dollar evaziga bir nechta havaskorlar tomonidan suratga olingan badiiy filmlar ham bor, shuningdek, yuzlab odamlarning mehnati talab qilinadigan katta loyihalar ham mavjud. Ammo haqiqiy gigantlar, masalan, “Qasoskorlar: cheksizlik jangi” va “Qasoskorlar: intiho” kabi filmlar ham bor. Ushbu filmlarda eng uzun titrlardan biri mavjud bo‘lib, unda 5109 kishi ko‘rsatilgan: aktyorlar, rejissyorlar, prodyuserlar, ssenaristlar, badiiy rahbarlar, bastakorlar, operatorlar, ularning yordamchilari va ko‘plab boshqa mutaxassislar. Yarimdan ko‘pi esa maxsus effektlar ustalari hisoblanadi. Marvel studiyasi mazkur filmlarini yaratishda maxsus effektlar bo‘yicha yordam olish uchun bir nechta studiyalarga murojaat qilgan va 2659 kishini jalb qilgan. Bir necha oy ichida ular minglab vizual kadrlarni yaratishgan.
Eng ko‘p “o‘ladigan” aktyor
-rZoT2X01.avif)
Shon Bin tez-tez o‘ladigan personajlar bilan tanilgan bo‘lib, bu uning karyerasiga zarar yetkazayotgani sababli “Taxtlar o‘yini”dan keyin bunday rollardan voz kecha boshlagan. Biroq u bu borada rekordchi emas. Birinchi o‘rin esa Kristofer Liga tegishli, chunki uning personajlari haqiqatan ham omadsiz bo‘lgan. Butun karyerasi davomida u o‘ynagan qahramonlar va yovuzlar 61 marta fojiali yakun bilan sahnani tark etishgan. Shu tariqa, u Vinsent Prayz, Jon Hart, Dennis Hopper va Denni Trehoni ortda qoldirgan.
Kinodagi eng katta portlash
-Un6nPQVm.avif)
Portlash sahnasida film ijodkorlari odatda grafikadan foydalanadi, ammo “007: Spektr” filmida rejissyor Sem Mendes boshqacha yo‘lni tanlaydi. U 8400 litr kerosinga 33 kilogramm poroxli portlovchi moddani aralashtirib, Jeyms Bond va Madlen Svonnning qochish sahnasida portlatadi. Taxminan 8 soniya davom etgan portlash kino tarixidagi eng katta amaliy effektlardan biri bo‘ldi.
Eng ko‘p ishlatiladigan rekvizit
-VVZdKbKV.avif)
Los Anjelesda turli rekvizit ishlab chiqaruvchi kompaniyalar mavjud bo‘lib, ulardan biri ko‘plab turli filmlarda ishlatiladigan rekvizit — gazeta ishlab chiqaradi. Agar filmda qahramon gazeta o‘qiyotgan bo‘lsa, demak u qo‘lida The Recurring Newspaper deb nomlangan gazetani ushlab turgan bo‘ladi. Bu gazeta 10 mingdan ortiq filmlarda ishlatilgan. Odatda uning birinchi sahifasi bo‘sh bo‘ladi, shunda istalgan narsani joylashtirish mumkin, qolgan sahifalar esa tasodifiy so‘zlar va iboralardan iborat.
Premyeralar uchun eng yomon oy
-bZStYlrU.avif)
Yanvar — ko‘pincha muvaffaqiyatsiz filmlar chiqariladigan oy bo‘lib, bu holatning mantiqiy sabablari bor. Chunki studiyalar odatda Yangi yildan keyingi dastlabki 30 kun ichida prodyuserlar muvaffaqiyatsiz deb hisoblaydigan filmlarni chiqarishadi. Bunga ikki sabab bor: birinchidan, yanvarda tomoshabinlar ko‘plab dam olish kunlari, ta’tillar, mablag‘ yetishmasligi va noqulay ob-havo tufayli kinoteatrlarga bormaydi; ikkinchidan, yanvarda chiqarilgan filmlar mukofot mavsumiga tushmaydi va keyingisiga qadar ular esdan chiqadi. Ammo yanvarda har doim ham muvaffaqiyatsiz filmlar chiqavermaydi: 2022-yilda chiqarilgan “Qichqiriq” filmidan ko‘pchilik umid qilmagan bo‘lsa-da, u yaxshi daromad oldi, chunki film sifatli chiqqan edi. Biroq yanvarda chiqarilgan filmlar o‘rtacha reytingi 53,9 foiz ekanini ko‘rsatadigan statistika ko‘p narsani anglatadi.
Eng mashhur hayvonlar
-p72U8Gyo.avif)
2024-yil 11-fevral holatiga ko‘ra, kinolarda eng mashhur hayvonlar itlar hisoblanadi. Ular 1304 ta filmda asosiy rol o‘ynagan, ya’ni faqat orqa fonda ko‘rinmagan. Bu holat tushunarli, chunki itlar oson o‘rgatiladi va to‘g‘ri tarbiyalanganida xavfsiz bo‘ladi. Keyingi o‘rinlarda otlar bo‘lib, ular 970 filmda ishtirok etgan, so‘ngra 644 filmda ishtirok etgan mushuklar joylashgan.
Izoh (0)