Голливуд юлдузлари мухлисларини ҳайратда қолдиришдан тўхтамайди. Улар ажойиб истеъдоди ва роллари билан бирга ўзларининг билими ва бир неча тилларда сўзлаша олиш қобилияти билан барчамизга ўрнак бўла олади. Қуйида она тилидан ташқари бошқа хорижий тилларда эркин мулоқот қила оладиган машҳурларни кўриб чиқамиз.
Натали Портман
“Леон” ва “Қора оққуш” фильмлари юлдузи Исроилда туғилиб ўсган бўлиб, иврит ва инглиз тилидан ташқари япон, немис, француз ва испан тилларида гаплаша олади. Гарвард университетини тамомлаган актриса бир нечта илмий ишларни ёзишни ҳам уддасидан чиққан. Француз тилида ҳам равон сўзлашишига унинг турмуш ўртоғи — франциялик Бенжамин Милпе сабаб бўлган. Натали ҳеч қачон кинодаги бирор рол учун янги тил ўрганмаган. У барча билимларни катта қизиқишлари туфайли эгаллаган.
Жоди Фостер
Болалигида Жоди Фостер Ле Лйcéэ Франçаис де Лос Анжелес мактабида таҳсил олган, у ерда дарслар француз тилида олиб борилган. Олган билимлари Фостерга кинода ёрдам берди — у француз фильмларида ҳам рол ўйнади ва инглиз тилидаги фильмларни француз тилига шахсан дубляж қилди.
Жодининг айтишича, у Елдаги сафар даврида у италян тилини ҳам ўрганган, ОАВда актёр испан ва немис тилларини билиши ҳақида хабар берилган.
Том Ҳиддлстон
Том Ҳиддлстон ҳам полиглот юлдузлардан биридир. Унинг она тили инглиз тили бўлиб, актёр испан, француз, корейс, рус, мандарин ва ҳатто лотин тилларини ҳам билади. Юлдуз буларнинг барчаси унга турли хил ролларни ижро этиш учун ёрдам беради, деб таъкидлайди.
Гвинет Пелтроу
Актриса учта тил — инглиз, испан ва француз тилларида мулоқот қила олади. Актрисага айниқса испан тилида сўзлашиш ёқади, чунки у ўсмирлик чоғида оиласи билан биринчи марта Испанияга борган ва ушбу мамлакатга катта қизиқиш уйғонган. Пелтроу Испанияни шунчалик яхши кўрар эдики, у деярли ҳар йили Испанияга ташриф буюришни одатга айлантирди. Актриса фарзандларига она тили испан бўлган энага ёллаган ва шу тариқа болалари ҳам турли тилларда сўзлашишига ҳисса қўшган.
Жек Блек
Актёр испан ва француз тилида сўзлаша олади. 2012 йилда Жек мустақил испан тилини ўрганган ва талаффузини мукаммаллаштириш учун кўпинча ойна олдида машқ қилган:
“Аввалига испан тилидаги товушга кўникиш учун, иложи борича кўпроқ испанча сўзларни ўрганишга ҳаракат қилдим”, дейди актёр.
Диана Крюгер
Актриса Германияда туғилиб ўсган, шунинг учун немис тили унинг она тилидир. У мактабда лотин тилини ўрганган, инглиз тили билан эса ўсмирлик даврида Лондонда яшай бошлаганида танишган. Кейин у моделлик карьераси учун Парижга кўчиб ўтган ва у ерда француз тилидан сабоқ олган.
“Агар француз тилини билмаганимда эди, ҳозирги карьерага эга бўлмас эдим”, дейди Диана.
Крюгернинг сўзларига кўра, бир нечта тилларни билиш ҳаётни осонлаштиради, янги имкониятлар учун эшикларни очади ва дунёқарашни кенгайтиради.
Сандра О
Сандра О Канадада туғилган, лекин ота-онаси меҳнати туфайли она тили бўлган корейсчани яхши ўрганган. Сўнг у Канада Миллий театр мактабида ўқиш даврида француз тилидан сабоқ олган. Бундан ташқари, у испан тилида ҳам гаплаша олади.
Вигго Мортенсен
Келиб чиқиши даниялик бўлган америкалик актёр болалигини Аргентинада ўтказган ва у ерда испан ва инглиз тилларида гаплашишни ўрганган. Унинг оиласи Ню-Ёркка кўчиб ўтганида бўлажак актёр француз тилини ўрганди. “Одамлардан йироқ” фильмини суратга олиш жараёнида у француз тилининг алжир диалектини ҳамда араб тилларини пухта эгаллаган. Бундан ташқари, Вигго норвег, швед, италян ва каталон тилларини ҳам билади.
Пенелопа Крус
Актриса Испанияда туғилиб ўсган ва узоқ вақт давомида фақат испан тилида гапирган. У биринчи марта Америка фильмларида рол ўйнагунига қадар инглиз тилини яхши билмаган. Кейинчалик Пенелопа барча нутқини ёдлаб олган ҳолда “Тепаликлар ва водийлар салтанати” фильми учун тингловдан ўтган. лекин аслида у инглиз тилини билмайди. Актриса ҳозирда италян ва француз тилларида ҳам сўзлашади.
Изоҳ (0)