Tejamkormi yoki ziqna: bir sent uchun talashadigan Gollivud yulduzlari (foto)

Quyida Gollivudning eng tejamkor millionerlari, har bir kichik narsani ham qadrlashni biladigan aktyorlar ro‘yxatini taqdim etamiz.

Tom Kruz

Tom Kruz Gollivudda nafaqat mashhur “Uddalab bo‘lmas topshiriq” franshizasining yuzi, balki ziqnaligi ko‘plab suhbatlar mavzusiga aylangan odam sifatida ham tanilgan. “So‘nggi samuray” filmining suratga olish ishlari tugagandan so‘ng, katta gonorar olgan aktyor kompaniyaga g‘alati da’vo bilan chiqadi.

Kruz suratga olish ishlari sabab semirgani tufayli sevimli kiyimlarini kiya olmaganini ta’kidlab, kinostudiyadan 200 ming dollar tovon puli talab qilgan. Studiya uning katta gonorar olganini eslatib, tovon puli to‘lashdan bosh tortadi. Bu voqea garchi keng jamoatchilik e’tiborini tortmagan bo‘lsa-da, xotiralarda kulgili voqea sifatida saqlanib qoladi.

Lindsi Lohan

O‘tmishda Disney yulduzi sifatida tanilgan Lindsi Lohan hozirda bosh rollarning katta ro‘yxati yoki yirik kino loyihalaridagi ishtiroki bilan maqtana olmaydi. Biroq mashhurlik davrida u katta boylik to‘plashga muvaffaq bo‘lgan va hozirda tungi klublar tarmog‘iga egalik qiladi.

Shunga qaramay, Lohan Gollivudda juda tejamkor inson sifatida mashhur. U ko‘pincha restoran va go‘zallik salonlaridagi xizmat uchun pul to‘lamay ketadi. Ushbu xatti-harakati tufayli ko‘plab go‘zallik salonlari uni hatto qora ro‘yxatga kiritgan.

Dueyn Jonson

Ilgari restler sifatida tanilgan Dueyn Jonson hozirda Gollivuddagi eng muvaffaqiyatli va 2021-yilga kelib esa eng boy aktyorlardan biri hisoblanadi. U bir necha bor ziqnaligi, ayniqsa mehmonxona va restoranlarda choychaqa qoldirishni istamasligi uchun tanqid qilingan. Bir marta Jonson hatto choychaqa uchun puli yo‘qligini aytib, ofitsiantdan qaytimini so‘ragan.

Bir kuni Jonson yolg‘iz o‘zi maza qilib steyk yeyishi uchun restoranni erta ochishni so‘raydi. Restoran uning iltimosini bajaradi va ish kuni boshlanishidan oldin yuqori sifatli xizmat ko‘rsatadi, biroq minnatdorlik belgisi sifatida aktyor bor-yo‘g‘i 7 dollar choychaqa qoldiradi. Bu esa unga xizmat ko‘rsatgan ofitsiantning hafsalasini pir qiladi va mashhur shaxs haqidagi tasavvurini o‘zgartiradi.

Bryus Uillis

Bir paytlar shon-shuhrat cho‘qqisida bo‘lgan Bryus Uillis pul sabab ikkinchi plandagi filmlarda ham suratga tushgan. Karyerasidagi bunday burilishning asosiy sabablaridan biri — bu odatdagi daromad darajasini saqlab qolish istagi. “Chegarasizlar 3” filmidan oldin sodir bo‘lgan voqea ko‘pincha uning ochko‘zligiga misol sifatida keltiriladi.

Bryus Uillis suratga olish maydonchasidagi to‘rt kunlik ish uchun unga taklif qilingan uch milliondan farqli ravishda to‘rt million dollar talab qiladi. Aktyorlar tarkibida boshqa yulduzlar borligini inobatga olgan holda bunday iltimos haddan tashqari ko‘rinardi. Silvestr Stallonening reaksiyasi darhol va hal qiluvchi bo‘ladi: janjaldan uch kun o‘tgach, Uillis o‘rniga Harrison Ford keladi. Stallone ochiqchasiga Uillisni “dangasa va ochko‘z” deb ataydi, bunday xatti-harakat uning karyerasiga salbiy ta’sir ko‘rsatishi mumkinligini ta’kidlaydi.

Ketrin Heygl

Ketrin Heygl Gollivudda anchadan beri iste’dodli, ammo xarakteri og‘ir aktrisa sifatida tanilgan. Bu uning filmlarda kamroq suratga tushishining sabablaridan biridir. 1990—2000-yillarda Heygl romantik komediyalarda faol ishtirok etgan, biroq keyinchalik karyerasi pasayishni boshlagan.

Ko‘pchilik aktrisa haddidan oshib ketgan deb hisoblaydi, chunki u gonorarini sezilarli darajada oshirgan. Karyerasidagi muhim lahza boshqa mashhur aktyorlar qatorida o‘ynashi kerak bo‘lgan “Sevishganlar kuni” filmida rol taklif qilinganida sodir bo‘ladi. Heygl roli uchun uch million dollar so‘raydi. Bu voqea uning kinodagi mavqeyini yanada yomonlashtiradi.