Filmlarda sevishganlar o‘rtasidagi munosabatlar go‘zal va ishonarli ko‘rinadi. Ammo ba’zida hayotda hamma narsa butunlay boshqacha bo‘ladi. Quyida sahna ortida bir-birini ko‘rarga ko‘zi bo‘lmagan eng mashhur kino juftliklari haqida ma’lumot beramiz.
Peris va Jeyms (“Umid hech qachon o‘lmaydi”)
Teri Xetcherning “Uy bekalari” filmidagi hamkasblari bilan bo‘lgan intervyularidan ma’lum bo‘lishicha, aktrisa bilan ishlash shunchaki qiyin emas, hatto chidab bo‘lmas darajada og‘ir, do‘stona munosabatlar haqida gapirmasa ham bo‘ladi. Ko‘rinishidan, Pirs Brosnan ham aktrisaning og‘ir xarakteriga duch kelgan. Bondning partnyorini yoqtirmasligi, hatto ekranda ham sezilib turadi. Xetcher doimo kechikib kelgan va buni odatiy deb hisoblagan, bundan tashqari hamkasblari bilan doim janjallashgan. Chunki aynan shu davrda aktrisa homilador bo‘lgan.
Elis va Frenk (“Turist”)
Jonni Depp va Anjelina Joli dueti Gollivud tarixidagi eng nafis va ehtirosli bo‘lishiga qaramay, iste’dodli aktyorlar deyarli birinchi kundanoq til topisha olmaydi. Jamoa filmning dastlabki daqiqalaridanoq tomoshabinni o‘ziga rom etishi mumkin bo‘lgan mukammal “muhabbat”ni qanchalik kutmasin, bu hech qachon sodir bo‘lmaydi. Hammasiga ishga qarama-qarshi qarashlar sabab. Anjelina jiddiyroq va puxtaroq bo‘lib chiqdi: u ko‘pincha Jonni kadrda ideal ko‘rinmayotganidan shikoyat qilar, sochini kaltalatishi kerakligini ta’kidlardi.
Depp esa Jolini juda zerikarli ayol deb hisoblaydi, u o‘zini qiroldek tutadi va negadir hammani boshqarishga harakat qiladi. Natijada ko‘p vaqtini xonasida yolg‘iz o‘tkazib, faqat sahnalarni suratga olish uchun chiqadi. Ammo film muvaffaqiyatli chiqadi, hatto bir nechta jahon miqyosidagi mukofotlarga sazovor bo‘ladi.
Sabrina va Piter (“Ko‘ngilsizliklarni sevaman”)
Juliya Roberts odatda hamkasblari bilan yaxshi munosabatda bo‘ladi, lekin “Ko‘ngilsizliklarni sevaman” (1994) filmida boshidanoq hech kim bilan chiqisholmaydi. Suratga olish jarayoni tugagandan so‘ng, aktrisa Nik Noltendan g‘azablanganini tan oladi. Jahlni ushlab turish qiyin edi, shuning uchun Roberts ko‘pincha Nikka gapirmaslikka harakat qiladi. Ammo mag‘rur aktyor shu yerda ham o‘zining ustunligini isbotlashga urinib, ataylab Juliyaning g‘ashiga tegadi. Natijada ular shunchalik dushmanga aylanishadiki, birgalikdagi sahnalarni dublyorlar yordamida suratga olishga qaror qilinadi.
Keyt va Nik (“Mukammallik portreti”)
“Mukammallik portreti” komediyasi 1997-yilda Jennifer Eniston “Do‘stlar” seriali tufayli mashhurlikning eng yuqori cho‘qqisiga chiqqan paytda ekranlarga chiqqan. Aktrisa o‘zining yigiti Teyt Donovanni partnyor yulduz sifatida ko‘rishni xohlaydi, bu o‘sha paytda mashhur bo‘lmagan va aytish kerakki, Enistonga juda ijobiy munosabatda bo‘lgan Jey Morni xafa qiladi. Mor sherigini qo‘llab-quvvatlashga harakat qiladi, keyinchalik aktyor o‘shanda o‘zini ilojsiz his qilganini tan oladi.
Dana va Jo (“Jazzda faqat qizlar”)
Merilin Monro butun sayyoradagi millionlab erkaklarning orzusi edi, lekin u bilan sevishganlar rolini o‘ynash baxtiga sazovor bo‘lgan Toni Kertis bundan xursand emasdi. Aktyor Monro o‘zini noprofessional tutganini aytadi: u suratga olish maydonchasiga doim kechikar, umuman ishiga befarq edi. Kertis aktrisani hamkasblarini hurmat qilmaslikda ayblaydi.
Ammo bu masala faqat shikoyatlar bilan tugamaydi: bir marta Toni Merilindan bo‘sa olishni Gitler bilan o‘pishish bilan taqqoslaydi.
Joanna va Ted (“Kramer Kramerga qarshi”)
“Kramer Kramerga qarshi” filmining muvaffaqiyati aynan Meril Strip va Dastin Xoffmanning dushmanligidadir, chunki ekranlarda aktyorlar romantika va muloyimlikni emas, balki ajralish arafasida turgan oilani ko‘rsatishlari kerak edi. Yulduzlar shu qadar shiddatli va tez-tez janjal qilishadiki, sahnalardan birini suratga olish paytida Dastin Merilning yuziga tarsaki tushiradi. Kutilmagan g‘azab va improvizatsiya Stripni hayratda qoldiradi. Keyinchalik Xoffman bunday xatti-harakati o‘sha paytda og‘ir ajralishni boshidan kechirganligi bilan bog‘liqligini tan oladi.
Izoh (0)