Sulton Sulaymonning onasi Volida sulton Usmonlilar imperiyasi tarixidagi eng ko‘zga ko‘ringan ayollardan biri bo‘lgan. Ammo uning obrazi “Muhtasham yuz yil” serialida tarixiy jihatdan umuman tasdiqlanmagan soxta dramalarga boy qilib tasvirlangan.
Mashhur tarixiy serial syujetiga ko‘ra, Volidaning vafotiga fitnalar va Xurram sultonning Xadicha bilan bog‘liq sirni ochish haqidagi tahdidi tufayli yuzaga kelgan ruhiy zarba sabab bo‘lgan. Biroq tarixiy qo‘lyozmalarga ko‘ra, qaynona va kelin o‘rtasidagi munosabatlar hurmat va izzatga to‘la edi. Buni o‘sha davrdan saqlanib qolgan xatlar va yilnomalar tasdiqlaydi.
Oysha Havsa saroydagi barqaror tinchlik uchun o‘g‘lining rafiqasi bilan yaxshi munosabat qurish muhimligini tushungan va Xurram sulton bilan ziddiyatga bormagan.
Volida sultonning o‘limiga ham saroydagi keskin vaziyatlar sabab bo‘lmagan. U 1533-yilda, taxminan 55-56 yoshida vafot etdi, bu 16-asr uchun o‘rtacha umr ko‘rish yili hisoblangan. “Muhtasham yuz yil” da Volida sulton Ibrohim poshoning xiyonati haqida bilib qolgani, shundan so‘ng yurak xurujidan vafot etgani haqidagi epizod tarixga zid.
Rejissyorlar shu tariqa serial syujeti qiziqarli va dramaga boy bo‘lishi maqsad qilgan, ammo bu voqealar tarixiy haqiqatdan yiroqdir. Darhaqiqat, Volida sulton hayotining so‘nggi yillarini tinch va farovon oila a’zolari davrasida o‘tkazgan.
Volida sultonni sahna ortidagi voqealar qurboni sifatida ko‘rsatish orqali serial ijodkorlari undagi dramani yanada kuchaytirdi va tomoshabinlar uchun Oysha Havsa obrazi noto‘g‘ri talqinda namoyon bo‘ldi. Sulaymon sultonning onasi saroydagi muammolar qurboni emas, balki dono Volida Sulton sifatida tarixda qolgan. Mazkur hikoya birgina serial katta bir davr haqidagi tasavvurni butunlay o‘zgartirib yuborishi haqida saboq bo‘ladi.
Izoh (0)