Turk seriallarini tomoshabinlar ajoyib aktyorlik mahorati va syujetni oldindan aytib bo‘lmaydiganligi uchun yoqtirishadi. Dizi ixlosmandlari uchun biz yaqin orada taqdim etilgan eng yangi turk seriallarini bir maqolada to‘plashga qaror qildik.
“Bahor”
IMDb reytingi — 7,5
Bahor muvaffaqiyatli shifokorlik faoliyatidan voz kechadi va faqat oilasi uchun o‘zini bag’ishlaydi. Kunlarning birida u hushini yo‘qotib, kasalxonaga yotqizilganida butun hayoti o‘zgardi. Unga shoshilinch jigar transplantatsiyasi operatsiyasi qilinishi lozim bo‘ladi. Buning uchun uning eri donor bo‘lishi mumkin edi. Biroq Bahor dahshatli haqiqatga duch keladi, natijada o‘zi haqida qayg‘ura boshlaydi va sevimli kasbiga qaytadi.
“Shahzoda”
IMDb reytingi — 8,4
Serialdagi voqealar Bongomiya nomli to‘qima mamlakatda bo‘lib o‘tadi, u yerning qiroli to‘satdan vafot etadi va qirolning o‘rtancha o‘g‘li taxtga o‘tiradi. Biroq hech kim yangi hukmdorni jiddiy qabul qilmaydi va oila a’zolari ham uni qo‘llab-quvvatlamaydi. Shunda bosh qahramon vaziyatni mustaqil o‘zgartirishga bel bog‘laydi.
“Ertangi kun kelmasdek go‘yo”
IMDb reytingi — 8,4
“Ertangi kun kelmasdek go‘yo” mini seriali 2003-yilda suratga olingan “Intervyu” filmidan ilhomlangan. Unda bosh rollarni “Muhtasham yuz yil” yulduzi Halit Ergench va Tuba Buyukustun ijro etgan. Aktyor teleyulduz, aktrisa esa muxbir obrazini gavdalantirgan. Serial davom etar ekan, tomoshabinlar hayot va sevgi haqidagi ochiq suhbatga sho‘ng‘iydi.
“Yovvoyi”
IMDb reytingi — 7.0
Yaman Ali boy oilada tug‘ilgan. Lekin bolakay to‘rt yoshligida o‘g‘irlab ketiladi va Istanbul ko‘chalarida uysizlar orasida hayot kechirishga majbur bo‘ladi. Barcha qiyinchiliklarga qaramay, Yaman oqko‘ngil yigit bo‘lib ulg‘ayadi. Bir kun taqdir uni boy qiz Ruya bilan uchrashtiradi. Bu kutilmagan uchrashuv qahramonni avvalgi uyiga qaytaradi.
“Alvon g‘unchalar”
IMDb reytingi — 7,8
Meryem qizi Zeynep uning taqdirini takrorlashini istamaydi va buning oldini olishga bor kuchi bilan harakat qiladi. Hayot uni yaqinda rafiqasi bilan ajrashgan psixiatr Levent bilan uchrashtiradi. Ular o‘rtasida bir rishta paydo bo‘ladi. Ammo bu vaqtda Levent noqonuniy ravishda asrab olingan qizini tarbiyalayotgani ma’lum bo‘ladi. Serialda dunyoviy va diniy oilalar vakillarining to‘qnashuvi va sevgisi haqida hikoya qilinadi.
“Shafqatsiz Gaddar”
IMDb reytingi — 7,5
Serialda bosh rolni Chag‘atoy Ulusoy ijro etgan. Markaziy qahramon armiyada xizmat qilib, uyiga qaytadi, lekin tashqi olamdagi hayoti tamoman o‘zgargan bo‘ladi: qallig‘i uni indamasdan tark etadi, ukasi Ruzgar esa yomon yo‘lga kirib qoladi. Natijada Dagan ham o‘zining yozuv tomonini ham kashf etadi. Uning harbiy bilimi, jangovar mahorati, jasorati va yurakdagi umidsizligi uni Istanbuldagi eng xavfli odamlardan biriga aylantiradi.
“Ko‘r nuqta”
IMDb reytingi — 8.0
Advokat Aslim xonim va nufuzli oilaning o‘g‘li Jihan bir-birlarini telbalarcha sevib qoladi. Ammo Aslim ishtirokidagi avtohalokat ularning hayotini barbod qiladi. Bu voqeaga Jihanning opasi aybdor ekanligi ma’lum bo‘ladi. Bu orada Aslimning dugonasi uning qallig‘iga yaqinroq bo‘lishga urinadi.
“Qora tut”
IMDb reytingi — 8,4
Zuhal yosh yozuvchi va shaxsiy rivojlanish bo‘yicha trener bo‘lib ishlaydi. Qahramonning otasi va uch opasi undan doim pul so‘rayveradi, ammo singlisini yoqtirmaydi. Ayni paytda qahramon o‘z onasi bilan yaxshi munosabatlar o‘rnata olmaydi. Sabr kosasi to‘lgan Zuhal oila a’zolari bilan ijobiy bo‘lishda davom eta olarmikan?
“Qora daraxt haqida doston”
IMDb reytingi — 8.0
Jelal og‘a ismli badavlat erkak o‘z davrasidagi boshqa odamlar kabi kambag‘allarni mensimas edi. Biroq tez orada uning fikrlari o‘zgaradi, chunki Jelal kambag‘al oiladan bo‘lgan qizni sevib qoladi. Qizning oila a’zolari uning badavlat va dimog‘dor inson bilan oila qurishiga keskin qarshilik qiladi. Jelal esa uning sevgisi samimiy va pokiza ekanligini isbotlashga urinib ko‘radi.
“Mutlaqo boshqacha”
IMDb reytingi — 8,8
Mazkur serialda bosh rolni aktrisa Hande Erchel o‘ynagan. U Istanbulga ota-onasini ko‘rgani kelgan prokuror Leyla obrazini gavdalantiradi. Qattiqqo‘l prokuror mashhur tadbirkorning o‘limi ustidan ish boshlaydi. Bu vaqtda u shizofreniyadan aziyat chekayotgan va shaxsiyati ikkiga bo‘lingan jurnalist Kenan bilan uchrashadi va unga telbalarcha oshiq bo‘ladi.
“Gulduros qarsaklar”
IMDb reytingi — 7,3
Serial katta shaharda o‘zini yolg‘iz his qilayotgan Metinning taqdiri haqida hikoya qiladi. Uning ota-onasi bolani baxtli qilish uchun hamma narsani qilib ko‘radi. Va ularning hayotida ko‘plab muammolar paydo bo‘lganda Metin ota-onasini baxtli qilish mas’uliyatini o‘z zimmasiga oladi.
“Cheksiz sevgi”
IMDb reytingi — 7.0
Halil bolaligida ona shahrini tark etishga majbur bo‘ladi, so‘ng ko‘p yillar o‘tib, u yerga suyukli ayoli Yosamin bilan qaytib keladi. U yerda bolalikdan beri tanish bo‘lgan Zeynep Letoni yoqtirib qoladi. So‘ng Zeynep otasini qotiliga qarindosh ekani ma’lum bo‘ladi.
“Guljemal”
IMDb reytingi — 7.1
Guljemal ismli bola va uning singlisi Gulendamni bolaligida onasi tashlab ketgan. Yigit ulg‘aygach, rahbarlik lavozimiga chiqadi va boyib ketadi, lekin umri davomida boshidan o‘tkazgan ko‘p sinovlar uning qalbi shafqatsiz bo‘lishiga sabab bo‘ladi. Vaqt o‘tib, Guljemal singlisi bilan birga ona shahriga qaytib keladi va onasining qo‘lida ishlaydigan qizga ko‘ngil qo‘yadi.
“Daho”
IMDb reytingi — 8.2
Serialda aktyor Aras Bulut Iynemli otasiga nisbatan eski noroziliklarini hali ham unuta olmagan ajoyib matematik Devran rolini ijro etadi. Universitet diplomini qo‘lga kiritgach, Devran qallig‘i Esme bilan Amerikaga sayohatga otlanadi. U ko‘p yillar oldin oilasini tashlab ketgan otasi o‘g‘lining muvaffaqiyatidan xabar topishini orzu qiladi.
Izoh (0)