Hozirgacha millionlab kino ixlosmandlari sulton Sulaymon va uning tengi yo‘q rafiqasi Xurram sultonning afsonaviy sevgi hikoyasi haqidagi “Muhtasham yuz yil” serialini tomosha qilishadi. Biroq serial ijodkorlari tomonidan qanday tarixiy noaniqliklar sodir etilganini hamma ham bilavermaydi.
“Muhtasham yuz yil” serialida Ibrohim posho va Xurram sulton o‘rtasidagi munosabatlar doimo salbiy bo‘lgan, ular Sulaymon podshohga o‘z ta’sirini o‘tkazish maqsadida doimo kurash olib borgan. Shu bilan birga, vazir Sulaymonning singlisi Xadicha bilan turmush qurgani tasvirlangan. Ammo tarixga ko‘ra, barcha voqealar butunlay boshqacha bo‘lgan.
Avvalo, Xurram sulton va Ibrohim posho o‘rtasida hech qanday adovat bo‘lmagan. Bundan tashqari, vazir va Xurram sulton hayotda bir-birini ko‘rmagan bo‘lishi mumkin, chunki buyuk sultonning xotinlari va kanizaklarini faqatgina Sulaymon sultonning o‘zi yoki haram og‘alari ko‘rishi mumkin bo‘lgan.
Ehtimol, Xurram va Ibrohim bir-birini yoqtirmagandir, chunki Ibrohim Mustafoni qo‘llab-quvvatlagan, Xurram esa o‘g‘illarining taqdiri haqida bosh qotirgan va aynan uning vorislari taxtga o‘tirishini istagan.
Serialda Ibrohim va Xadichaning Manisadagi ilk uchrashuvi epizodlari ham namoyish etiladi. Biroq haram qoidalariga ko‘ra, sultonning opa-singillari va Volida sultonni faqatgina Sulaymonning bichilgan erkak qullari ko‘rishlari mumkin bo‘lgan. Shuning uchun Xadicha bilan Ibrohimning uchrashib qolish ehtimoli haqiqatdan yiroqdir.
Tarixga nazar solsak, haqiqiy Ibrohimning Musxina ismli yagona rafiqasi bo‘lgan. Bu qiz Ibrohimni tarbiyalagan ayolning farzandi bo‘lgan. U vazirning vafotigacha Ibrohimning yagona xotini bo‘lib qolgan.
Izoh (1)
Avval shunde seryalni 1 qismini suratga oling keyin aybini toping xop