“Muhtasham yuz yil”ni bir necha marta ko‘rib, “Qo‘rg‘on sirlari”dan dam olishni xohlasangiz, ko‘pchilikka ma’lum bo‘lgan, ammo syujet jihatdan yuqoridagi seriallardan qolishmaydigan qiziqarli turk seriallari bilan tanishing.
“Sham ushlagan yolg‘onchilar”
Bosh rollarda: Elchin Sangu, Burju Gelgedar, Shafak Pekdemir, Ceren Moray
Serial opa-singillardek yaqin bo‘lgan to‘rt dugona haqida. Erkin va mustaqil Jeyda, muvaffaqiyatli psixiatr Meliha, oilaviy muammolari bo‘lgan shifokor Shebnem va nihoyat, baxtsiz hodisada erini yo‘qotgan kafe egasi Elif. Ayollar Elifga hayotda o‘z o‘rnini topishga va qizi Ternga munosib hayot kechirishga harakat qilib, qayg‘usini yengishga yordam beradi. Ternning maktabdagi dugonasining otasi Yakup bilan uchrashuv Elifning hayotini tubdan o‘zgartirib yuboradi.
“Nikoh haqida hamma narsa”
Rollarda: Gokche Bahadir, Sumru Yavruchuk, Sarp Akkaya, Igit Kiraji, Serkan Altunorak, Selen Ucher
To‘rt opa-singil Cho‘lpan, Azra, Gunesh va Sanem Istanbulga ko‘chib o‘tadi va ajoyib yuridik karyera qurishadi. Ularning barchasi ajralish jarayonlari bilan shug‘ullanadi. Qizlarning har birining shaxsiy hayoti turlicha rivojlanadi. Cho‘lpon eridan ajrashgan, Sanem nikohga umuman ishonmaydi, Azra baxtli turmush qurgan, Gunesh esa sevgan insoniga turmushga chiqish harakatida. Bir kuni opa-singillarning hayotida kutilmagan voqea sodir bo‘ladi: ularning otasi ko‘p yillar oldin boshqa ayolni deb qizlarning onasini tashlab ketgandi. Qahramonlar o‘z o‘tmishlariga duch kelishlari kerak: ular otalarini kechira oladimi?
“Yangi hayot”
Bosh rollarda: Serkan Chayo‘g‘lu, Melisa Asli Pamuk, Aziz Janer Inan, Begum Akkaya
Maxsus kuchlarda xizmat qilgan kapitan Adem nafaqaga chiqadi. U xavfli hayot tarzida yashashga odatlangan, ammo endi tinch hayotda o‘z o‘rnini topishi kerak. Eng muhimi, oilasini, xotinini va 8 yoshli qizini boqish uchun ish topishi kerak. Adem boy va nufuzli Temurning xotiniga tansoqchi bo‘lib ishga kiradi. Avvaliga u yosh va go‘zal Yasemin bilan kelisholmaydi. Qiz hatto Ademni ishdan bo‘shatmoqchi bo‘ladi. Ammo qattiqqo‘l erkak va jozibali ayol o‘rtasida nimadir sodir bo‘ladi ...
“Shisha ortidagi qiz”
Rollarda: Burju Birijik, Selma Ergech, Feyyaz Sherifog‘lu, Enis Arikan, Tug‘rul Tulek
Sedat Ko‘ro‘g‘li – Turkiyadagi eng yirik mehmonxonalar tarmog‘iga egalik qiluvchi badavlat oilaning erka merosxo‘ri. Uning turmush qurgan ayol bilan ishqiy munosabati otasi Rafetni g‘azablantiradi va o‘g‘lini zudlik bilan uylantirishga qaror qiladi. Kelin tasodifan topiladi: u yangi mehmonxonalardan birining loyihasi ustida ishlayotgan arxitektor Nalan bo‘ladi. Bekam-u ko‘stlikda o‘sgan beg‘am yigit va halol hamda tartibli qiz to‘yga hozirlik ko‘rmoqda. Ammo ularning baxtiga o‘tmish sirlari to‘sqinlik qiladi.
“Shunchaki do‘stlar”
Bosh rollarda: Xazar Erguchlu, Kubilay aka, Ezgi Gor, Onur Berk Arslanoglu
Karyera qurishga mukkasidan ketgan Eje va kelishgan yigit Umut ko‘p yillardan buyon bir-birini taniydi. O‘zlarini va tanishlarini o‘rtalarida hech qanday romantika yo‘q, faqat do‘stlik borligiga ishontiradi. Ular Umutning konservativ xolasiga tegishli, Bosforga qaragan hashamatli uyda birga yashash uchun o‘zlarini kelin-kuyov qilib ko‘rsatishadi. Biroq badavlat qarindoshi tez orada nima bo‘layotganini tushunadi va shart qo‘yadi: u uyini kim birinchi qonuniy nikohdan o‘tsa, o‘shanga qoldiradi. Eje va Umut chinakam muhabbatni topish uchun uzoqqa borish shart emasligini tan olmay, o‘zlariga turmush o‘rtoq izlay boshlaydilar.
“Qog‘oz uy”
Bosh rollarda: Erdal Beshikchio‘g‘lu, Nur Fettaho‘g‘lu, Tuvana Turkay, Nihal G. Koldash
Serialdagi voqealar Firtinlar oilasi atrofida sodir bo‘ladi. Jihan jinoyat huquqi o‘qituvchisi, Aylin muvaffaqiyatli advokat, ularning uchta ajoyib farzandi bor: o‘g‘li Mert va qizlari Jemre va Melisa. Qahramonlarning hayoti dahshatli oqshomlarning birida, Jihan va Eylin o‘z uyida ayol jasadini topgach, butunlay o‘zgaradi. Jabrlanuvchi Jihanning sevgilisi, qotil esa 16 yoshli Jemre bo‘lib chiqadi. Qizi qamalmasligi uchun er-xotin jasadni bog‘ga yashirishga va sodir bo‘lgan voqea haqida sukut saqlashga qaror qilishadi. Ammo sodir bo‘lgan narsa ko‘plab sirlarni ochib beradi va ideal oilaning qiyofasi qog‘oz uy kabi mo‘rt bo‘lib chiqadi.
“Uch qurush”
Bosh rollarda: Uraz Kayigalaro‘g‘lu, Ekin Koch, Aslihan Malbora, Mustafo Kirantepe, Jivan Janova
Istanbulning Lo‘lilar tumanida shafqatsiz qotillik sodir bo‘ladi. Qotil jinoyat joyiga uch qurush — uchta mayda tanga qoldirgan. Bunday belgi boshqa jasadlarda ham topilgan. Tergovni Efe ismli politsiya komissari olib boradi. Birinchi gumonlanuvchi uning sobiq bolalikdagi do‘sti, hozir bu hududda taniqli bo‘lgan mafioz. Biroq tez orada dalillar bolalikdan ularga ma‘lum bo‘lgan boshqa odamga olib boradi. Keyin professional detektiv va jinoyat boshlig‘i ushbu murakkab ishga chek qo‘yish va seriyali qotilni topish uchun kuchlarini birlashtiradi.
Izoh (0)