“Muhtasham yuz yil” serialida Doya Xotun rolini ijro etgan aktrisa Selma Kechik hozir qanday ko‘rinishda?

Ko‘plab tomoshabinlar “Muhtasham yuz yil” serialidagi sulton Sulaymon va Xurram sultonning sevgi hikoyasi, shuningdek, undagi qahramonlarning ayyorona ishlarini diqqat bilan kuzatib bordi. Biroq serial xarizmatik ikkinchi darajali qahramonlarsiz mashhur bo‘lmas edi. Shu qahramonlardan biri Doya Xotun obrazi muxlislarning yodida Sulton Sulaymonning enagasi va Valide Sultonning sodiq xizmatkori sifatida yodida qoldi.

“Muhtasham yuz yil” serialida Doya Xotun rolini turk aktrisasi Selma Kechik Karabel ijro etgan. Aktrisaning filmografiyasida ushbu serialdan tashqari ko‘plab loyihalar bor, biroq unga dunyo bo‘ylab mashhurlik keltirgan roli Doya Xotun obrazi bo‘ldi.

“Muhtasham yuz yil”dan keyin Kechik Karabelga rejissorlardan ko‘plab takliflar tusha boshladi. Aktrisaning so‘nggi loyihalaridan biri 2020-yilda ekranlarga chiqqan “Qizil xona” seriali bo‘ldi. Selma Germaniyada suratga olingan Love me filmida ham rol ijro etgan.

Aktrisaning shaxsiy hayoti haqida juda kam ma’lumot mavjud. Ma’lum bo‘lishicha, Kechik Karabelning turmush o‘rtog‘i vafot etgan. Ba’zi ma’lumotlarda aktrisaning qizi borligi aytilgan.

“Muhtasham yuz yil” seriali yulduzining ijtimoiy tarmoqlarda ham akkauntlari bor, u vaqti-vaqti bilan suratlarini sahifasiga joylab turadi. Muxlislarning aytishicha, aktrisa 59 yoshda bo‘lsa ham ajoyib ko‘rinishga ega.