Tataristonda ko‘plab mashhur seriallardagi rollari bilan tomoshabinlarga ma’lum bo‘lgan turkiyalik aktyor Burak O‘zchivit ishtirokida Rossiyaning “Archalar” (“Ёлки”) yangi yil franshizasining yangi qismini suratga olish ishlari boshlandi, deb yozadi aif.ru.
-q2W2tt-s.png)
Nashrning yozishicha, 24-avgust kuni aktyor Qozondagi mehmonxonalardan biriga joylashadi, keyin esa Rossiya loyihasida ishtirok etish uchun Almetyevskka boradi. Ma’lum qilinishicha, turk yulduzi bilan birga filmda o‘tgan qishda tanlab olingan 18 yoshdan 25 yoshgacha bo‘lgan go‘zal rus ayollari ishtirok etadi.
Nashrning yozishicha, qizlar san’atkorning muxlislari rolini o‘ynashadi. Ularning film formatiga mos keladigan qishki kiyimlari bo‘lishi kerak. Shuningdek, O‘zchivit syomkaning bir kuni uchun 1,5 milliondan 3 million rubl (16 300-32 600 dollar)gacha gonorar olishi mumkin. Turk aktyoridan tashqari, “Yigit so‘zi: asfaltdagi qon” seriali yulduzi Ruzil Minekayev ham rol o‘ynaydi.
“Archalar-11” filmidagi asosiy rollardan birini “Muhtasham yuz yil” yulduzi ijro etishi avvalroq xabar qilingan edi. Filmga Aleksandr Karpilovskiy rejissyorlik qiladi. “Kinopoisk” onlayn kinoteatri maʼlumotlariga ko‘ra, film premyerasi 2024-yilning 19-dekabriga belgilangan.
Izoh (0)