Baʼzan bir necha ortiqcha grammdan xalos bo‘lishning o‘zi mushkul, ammo bizning quyidagi qahramonlarimiz ancha sezilarli natijaga erisha oldilar. Ushbu maqolada biz 35 kilogramm va undan ko‘proq vazn yo‘qotishga muvaffaq bo‘lgan mashhur turk aktrisalari haqida gapiramiz. Ular buni qanday uddalashdi, deb yozadi The Voice Mag nashri.
Pelin O‘ztekin (-93 kg)
![](/static/2024/08/28/Fotoram.io (1)-IKR4dsP3.jpg)
Chapdagi va o‘ngdagi fotosurat bitta odam ekaniga ishonish qiyin. O‘shanda Pelin O‘ztekinning vazni 156 kilogrammga yetgan edi va bu uning salomatligiga taʼsir qilmay qolmadi. Shifokorlar jiddiy ogohlantirdi: ortiqcha vaznda qon bosimi ko‘tariladi, yurak, jigar va buyraklar faoliyatida xavfli muammolar boshlanadi. Ozish uchun aktrisa o‘ta qatʼiy chora ko‘rishi kerak edi — oshqozonni kichraytirish jarrohlik amaliyoti. Biroq ortiqcha vazn bilan kurash shu bilan tugamadi. Reabilitatsiyadan so‘ng aktrisa taomnomasini qayta ko‘rib chiqdi, shuningdek, jismoniy mashg‘ulotlar bilan faol shug‘ullana boshladi. Pelinning so‘zlariga ko‘ra, u o‘zi uchun qulay jismoniy shaklga erisha oldi, ammo natijasini saqlab qolish uchun sog‘lom turmush tarzini olib borishda davom etmoqda.
Yeshim Jeren Bo‘zo‘g‘lu (-52 kg)
![](/static/2024/08/28/photo_2023-02-17_10-41-17-Dvraf_tH.jpg)
Jeren o‘zi orzu qilgan qomat uchun oshqozonini rezeksiya qilishga qaror qilganini yashirmaydi. Aktrisa kuchli diyetalar bilan o‘zini charchatishga tayyor emas edi va suratga olish jadvali band bo‘lgani sababli u bunday ozish mashg‘ulotlariga vaqt topolmadi. Salomatlik muammolari uni shunday jiddiy qadam tashlashga undadi — ortiqcha vazn tufayli Jerenning yurishi va nafas olishi qiyinlashdi. Operatsiya tufayli u ortiqcha 52 kilogrammdan xalos bo‘lishga muvaffaq bo‘ldi. Muxlislarning turli fikrdagi munosabatlariga qaramay, aktrisa bu qaroridan afsuslanmaydi va “yangi” tanasida o‘zini yaxshi his qiladi.
Pelin O‘ztekin (-93 kg)
![](/static/2024/08/28/pq-O5TD5D9b.jpg)
Pelin “Muhtasham yuz yil” serialidagi Usmonlilar hukmdorining qizi Mehrimoh Sulton roli bilan tomoshabinlarga tanilgan. Tug‘uruqdan so‘ng aktrisa tezlik bilan ortiqcha vazn to‘play boshladi. Shunda u qomatini asta-sekin va, eng muhimi, xavfsiz tarzda tiklashga qaror qildi. Kino yulduzi o‘zi uchun birdaniga kuchli, sog‘lom bo‘lmagan parhezlarga o‘tmaslikka qaror qildi, aksincha sog‘lom ovqatlanishni odat qildi.
Avvalo, u un va shirinliklardan bosh tortdi, achchiq, sho‘r, yog‘li va qovurilgan taomlarni kamroq isteʼmol qilishni boshladi. Shu qatorda Pelin sport bilan jiddiy shug‘ullandi: parkda uzoq masofaga piyoda yurish, yugurish, fitnes zalida mashq qilish. Bu darhol bo‘lmasa-da, asta-sekin natija ko‘rsatdi. Bir necha oy ichida aktrisa 35 kilogrammni yo‘qotishga muvaffaq bo‘ldi, ammo u bu bilan to‘xtab qolmoqchi emas. Pelin sog‘lom ovqatlanishni davom ettiradi va hamisha sog‘lom bo‘lishi uchun muntazam ravishda jismoniy mashq qiladi.
Asli Samat (-98 kg)
![](/static/2024/08/28/d4-0cMAXV7k.jpg)
Aslining ortiqcha vazn bilan kurashi uzoqroq, yaʼni olti yil davom etdi. Ko‘pgina muxlislarining fikridan farqli o‘laroq, aktrisa oshqozonini qisqartirish bo‘yicha jarrohlik amaliyoti vazn yo‘qotishga yordam berganiga ishonmaydi. Aksincha, u jarrohlarning aralashuvi sog‘lig‘ini yanada yomonlashtirganini taʼkidlaydi.
U professional psixolog va diyetolog bilan muntazam ishladi. Natijada Asli 173 kilogrammdan 75 kilogrammgacha vazn yo‘qotishga muvaffaq bo‘ldi. Ammo shunga qaramay, u bu natijadan qoniqmadi. Bugungi kunda uning qomati sog‘lomlik parametrlariga mos kelsa-da, u hali ham to‘xtagan emas. Aktrisa o‘zini qulay his qilishi uchun yana 16 kilogramm vazn tashlashni o‘z oldiga maqsad qilib qo‘ygan.
Esin Gundog‘du (-60 kg)
![](/static/2024/08/28/d5-F9nT7MyK.jpg)
Aktrisa Esin Gundog‘du jarrohlar yordamiga murojaat qilmay, uch yil ichida 60 kilogrammgacha ozishga muvaffaq bo‘ldi. Yulduz vazn yo‘qotish unga oson bo‘lmaganini yashirmaydi.
Bu vaqt ichida u ko‘plab parhezlarni sinab ko‘rdi, ularning baʼzilari teskari taʼsir ko‘rsatdi: u och qolsa ham vazni ortishda davom etdi. Shunga qaramay, aktrisa taslim bo‘lmadi va qomati ustida ishlashda davom etdi. Natija uning barcha saʼy-harakatlari zoye ketmadi.
Izoh (0)