Yildan yilga turk seriallari dunyo bo‘ylab millionlab insonlarni jalb qilmoqda, shu jumladan, o‘zbek tomoshabinlari orasida turk kino sanoatiga qiziqish ortib bormoqda. Turk seriallari o‘zining noodatiy syujeti va qahramonlar ijrosi bilan e’tiborni tortadi, ammo shu bilan birga unda ishtirok etuvchi go‘zal aktrisalar loyihalarning asosiy bezagi bo‘lib qoladi. Quyida turk seriallari yuziga aylangan yosh va iqtidorli aktrisalar haqida ma’lumot to‘pladik.
Berguzar Korel
Istanbulda tug‘ilib o‘sgan Berguzar Korel o‘zbek tomoshabinlariga birinchi navbatda “Muhtasham yuz yil” tarixiy serialidagi kichik roli bilan tanish. U sulton Sulaymon saroyiga faxriy mehmon sifatida tashrif buyurgan italiyalik aristokrat Monika Gritti obrazini gavdalantirgan.
Aktrisaning kino sanoatidagi faoliyati ikkinchi darajali qahramon obrazi bilan chegaralanib qolmaydi. Maftunkor Berguzarning so‘nggi ajoyib rollaridan biri bu “Dilemma” nomli ko‘p qismli serial bo‘lib, aktrisa unda jasur teleboshlovchi rolini o‘ynagan.
Burju O‘zberk
Latofatli Burju O‘zberkning karyerasi “Muhtasham yuz yil” serialidagi kichik roldagi yutug‘idan boshlangan. U “Ko‘r-ko‘rona sevgi” va “Sevgi. Ong. Qasos” melodramalaridagi rollari bilan yanada mashhurlikka erishdi.
Real hayotda Burju yana bir yulduz — Hande Erchel bilan yaqin do‘stdir. Ular birgalikda “Gunesh qizlari” da suratga tushgan.
Sila Turko‘g‘lu
“Klyukva sharbati” filmida bosh rolni ijro etgan turk aktrisasi Sila Turko‘g‘lu hozirda eng talabgir turk aktrisalaridan biridir. Sila Turko‘g‘lu “Omonat”, “Yig‘lamang, ona” seriallarida ham ishtirok etgan.
Jemre Baysel
Jemre Baysel ham turk seriallarining eng mashhur aktrisalaridan biridir. Yashil ko‘zli go‘zal qiz “Taqdir o‘yini” serialidagi rolidan keyin dunyo miqyosida mashhurlikka erishdi.
Aktrisaning “Mening chap yarmim”, “Meni yashir” loyihalaridagi ishtiroki uning yulduzlik maqomini yanada kuchaytirdi. Jemre ko‘pincha ijobiy fikrlaydigan, quvnoq va maftunkor obrazda namoyon bo‘ladi.
Irem Helvajio‘g‘lu
Mashhur turk aktrisasi Irem Helvajio‘g‘lu “Muhtasham yuz yil”da kanizak Klara obrazi va “So‘yla, Qora dengiz” serialidagi roli hamda kinodagi boshqa ijrolari bilan ko‘pchilikning ko‘nglidan joy olgan. U Turkiya televideniye sanoatining rivojlanishiga sezilarli hissa qo‘shgan. Aktrisaning “Gunesh qizlari”, “309-raqam” kabi seriallardagi obrazi mashhur bo‘lgan.
Melisa Dongel
“Qalbim eshigini qoq” serialidagi Jeren obrazini ijro etgan Melisa Dongel turk kinosini muvaffaqiyatli zabt etdi. Uning otasi turk, onasi slavyan bo‘lib, Dongel rus madaniyatiga bo‘lgan muhabbatini doim namoyon qilgan.
U “Eshigimni qoq” serialidagi rolidan so‘ng “Sevgi. Ong. Qasos”, “Dunyo va mening o‘rtamda”, “Sevgi taktikasi-2” kabi loyihalarda bosh rollarni ijro etdi.
Ebru Shahin
Sobiq sportchi Ebru Shahin “Beqaror” teleserialidagi roli uchun butun dunyo bo‘ylab shuhrat qozondi, shuningdek, “Istanbullik kelin” serialidagi obrazi bilan muxlislar mehriga sazovor bo‘ldi. Hozirda Ebru Turkiyaning eng yorqin va yosh aktrisalaridan biri hisoblanadi.
Vildan Atasever
Teatr sahnasida o‘z faoliyatini boshlagan aktrisa Vildan Atasever 2001-yildan buyon turk film va seriallarida ishtirok etmoqda. U “Muhtasham yuz yil: Kosem imperiyasi” filmida ham qatnashgan.
Yaqinda aktrisa yangi loyiha — “Bonkis” tragik komediyasida suratga tushdi. Unda foyda keltirmay qo‘ygan kichik kafe boshqaruvi haqida hikoya qilinadi.
Bushra Develi
Aktrisa “Yolg‘onchilar” serialida debyut qildi va syomka maydonida qallig‘i Burak Deniz bilan tanishdi. Bushra Develining “Agar erkak sevsa” serialidagi roli unga mashhurlik olib kelgan.
Oznur Sercheler
Aktrisa Oznur Sercheler o‘zini musiqa, teatr, kino hamda seriallarda sinab ko‘rdi va deyarli barcha sohada muvaffaqiyatga erishdi. Sercheler “Qo‘rg‘on sirlari” serialida badavlat Asuman Korxan xonim rolini ijro etdi va qisqa muddatda dunyoga mashhur yulduzga aylandi. Kelajakda Oznur musiqa sohasidagi karyerasini rivojlantirish umidida.
Izoh (0)