Turk kinosi ijodkorlari tomoshabinlarni zeriktirmaslikka harakat qilmoqda. “Muhtasham yuz yil” va “Qalbim eshigini qoq” kabi mashhur seriallardan keyin quyidagi loyihalar ham sizga yoqishi aniq.
“Bahor”
Uy bekasi haqidagi ko‘p qismli “Bahor” filmi shu yilning bahorida ekranlarga chiqdi. Ikkinchi mavsum esa kuzda namoyish etiladi. Syujet voqealari o‘limga olib keluvchi kasallikka chalingan oddiy turk ayoli atrofida sodir bo‘ladi. Unga jigar transplantatsiyasi o‘tkazilishi lozim, turmush o‘rtog‘i Timur esa donorlikka nomzod. Bahor yordamga muhtoj bo‘lgan shunday holda erini butunlay boshqa tomondan tanib oladi.
“Kubro”
“Kubro” triller elementlariga ega drama internetda Kubro ismli notanish ayol bilan muloqot qila boshlagan yosh yigit Go‘khanning hayoti haqida hikoya qiladi. Ammo u sun’iy intellekt bilan muloqot qilayotganini sezmaydi. Serial Netflix’da yanvar oyida chiqqan.
“Yolg‘on”
“Yolg‘on” — real voqealarga asoslangan ko‘p qismli drama. Serial qahramoni — Malika, u erini o‘ldirganlikda ayblanib, 20 yil qamoqda o‘tirib chiqadi. U hayot shafqatsizliklariga duch keladi va qasos olishga qaror qiladi.
“Adolat”
“Adolat” seriali uch fasldan iborat. Birinchi qism 2021-yilda ekranlarga chiqqan. Detektiv elementlarga boy drama markazida g‘alati qotillik ishi tufayli hamkorlik qilishga majbur bo‘lgan prokuror Ilgaz va advokat Jaylin turadi. Film “Emmi” tanqidchilari tomonidan yuqori baholangan — “Eng yaxshi serial” nominatsiyasida mukofotga loyiq ko‘rilgan
Izoh (0)