Jahon miqyosida millionlab muxlislariga ega aktyorlar nihoyatda band bo‘lishiga qaramay, yaxshilik qilish haqida unutmaydi. Quyidagi yulduzlar turk kino sanoatida yorqin rollari bilan tanilish bilan birga xayriya ishlarida faol ishtirok etishi bilan ajralib turadi.
Maryam Uzerli
Turk sultoni Sulaymonning qalbini zabt eta olgan Xurram roli bilan mashhur bo‘lgan Maryam Uzerli bolalarni juda yaxshi ko‘radi. Aktrisa yordamga muhtoj bo‘lgan barchaga voyaga yetmaganlarni moliyaviy qo‘llab-quvvatlashga harakat qiladi. U ota-onasiz yoki ma’lum sabablarga ko‘ra qarovsiz qolgan bolalarga faol yordam beradi hamda ekologik muammolar bilan shug‘ullanadigan jamg‘armalar bilan yaqindan hamkorlik qiladi.
Hande Erchel
2024-yilda FillGap International reytingiga ko‘ra eng go‘zal musulmon ayollar ro‘yxatida birinchilikni qo‘lga kiritgan Hande Erchel saratonga chalingan bemorlarni qo‘llab-quvvatlaydi. Aktrisa “Saratonsiz hayot” nomli xayriya jamg‘armasiga yordam beradi va har yili tug‘ilgan kunida Instagram’dagi obunachilarni ham bemorlarga yordam berishga undaydi. Erchelning so‘zlariga ko‘ra, har bir muxlisning mazkur fondga ko‘mak berishi aktrisa uchun eng yaxshi sovg‘adir. Shuningdek u bunday dahshatli kasallikni yengishga muvaffaq bo‘lgan ayollar uchun badiiy ustaxona ochgan.
Halit Ergench va Berguzar Korel
“Muhtasham yuz yil” serialida sulton Sulaymon rolini ijro etgan Halit Ergench va uning rafiqasi Berguzar Korel ham xayrli ishlarda faol aktyorlardir. Ergench gonorarini bir necha bor bolalarga yordam berishga sarflagan, Berguzar esa musiqiy albomi savdosidan tushgan mablag‘ni xayriya ishlariga sarflagan.
Kerem Bursin
“Qalbim eshigini qoq” seriali yulduzi bir necha yillar davomida ayollar huquqlari uchun kurashib kelmoqda. U “He for She” nomli ayollarni muhofaza qilish tashkilotini qo‘llab-quvvatlaydi. Mazkur harakatga ko‘proq insonlarni jalb etish maqsadida Bursin turli ommaviy tadbirlarda ayol huquqi masalasi bo‘yicha ma’ruzalar o‘qiydi.
Barish Arduch
Iste’dodli aktyor Barish Arduch turli ijtimoiy loyihalarda muntazam ishtirok etadi. Bir necha yil avval u “Xatiko” uyushmasining turk talqini uchun suratga tushdi. Loyihadan daromad uysiz qolgan hayvonlar uchun boshpana yaratish va ularni davolash uchun sarflandi. Bundan tashqari, aktyor mehribonlik uylariga, atrof-muhitni muhofaza qilish jamg‘armalariga va uysiz qolgan insonlarga yordam berib kelmoqda.
Izoh (0)