Oilasi haqida gapirishni istamaydi, Mustafoga o‘xshatishlarini yoqtirmaydi: turk aktyori Mehmet Gunsur haqida qiziqarli ma’lumotlar

Mehmet Gunsur Turkiya va Italiyadagi eng mashhur aktyorlardan biridir. “Muhtasham yuz yil” serialidagi shahzoda Mustafo roli unga jahon miqyosida shuhrat keltirdi.

Mehmet Gunsur 1975-yil 8-mayda Istanbulda tug‘ilgan. Uning ota-onasi kino va shou-biznes olamidan uzoq edi. Aktyorning onasi Sibel o‘qituvchi, otasi Teoman esa kvant fizik bo‘lgan. Mehmet oilada ikkinchi farzand — uning Zeynep ismli opasi bor (u baletmeyster bo‘lib ishlaydi).

Mehmet yoshligidan kameralar va boshqalarning e’tiborini yaxshi ko‘rardi. Yetti yoshida Gunsur model sifatida debyut qiladi. U ko‘plab reklama roliklarida ishtirok etgan, hatto Mavi Jeans brendining rasmiy yuzi bo‘lgan. Mehmet juda band bo‘lishiga qaramay, o‘qishni ham unutmaydi. U maktab ta’limini Turkiyada oladi, keyin Italiyaga yo‘l oladi. U yerda O‘zel İtalyan Lisesi xususiy kollejiga o‘qishga kiradi, so‘ngra vataniga qaytib kelib, bir necha yil o‘tgach, Marmara universitetini (jurnalistika fakulteti) muvaffaqiyatli tamomlaydi. Bu vaqt davomida Gunsur turli xil kastinglarda faol qatnashgan va shu bilan birga kuryer, barmen va model sifatida ishlagan. Ammo u doimo kino olamini orzu qilgan.

Ijodiy karyerasi

Mehmet filmdagi debyutini 1989-yilda qilgan. Keyin u “Bahorda gullagan mimoza” mini-serialida kichik rol o‘ynaydi. Biroq film unchalik mashhur bo‘lmaydi va Gunsur 7 yil davomida kino haqida unutishga majbur bo‘ladi. 1996-yilda “Turk hammomi” filmida rol o‘ynaydi. Ammo turkiyalik prodyuserlar yosh aktyorni yangi loyihalarga taklif qilishga shoshilmaydi. Shuning uchun ham Mehmet Italiyada omadini sinab ko‘rishga qaror qiladi.

2000-yilda u “Don Matteo” teleserialida, bir yil o‘tib esa yana ikkita filmda rol o‘ynaydi. 2005-yilgacha aktyor kichik yordamchi rollar bilan kifoyalangan. Keyin unga “Paxta dalasi malikasi” turk serialida rol beriladi. Mehmetning o‘sib borayotgan mahoratini tomoshabinlar ham, tanqidchilar ham payqashadi. U tez-tez yangi loyihalarga taklif qilina boshlaydi. 2011-yilgacha Gunsur “Ko‘zingni yumsang”, “To‘y va boshqa ofatlar”, “Ovoz” filmlarida suratga tushgan.

2011-yilda hammasi o‘zgaradi. Mehmet Gunsur dastlab “Sevgi tasodiflarni yoqtiradi” filmida, keyin “Biz 20 yoshda bo‘lgan Saygon” filmida rol o‘ynadi va nihoyat “Muhtasham yuz yil” filmida shahzoda Mustafo rolini ijro etadi. Aynan shu serial unga dunyo miqyosida shuhrat keltiradi.

Aktyorning keyingi faoliyati, ayniqsa Turkiyada muvaffaqiyatli rivojlana boshlaydi. U “Unutsam, pichirla”, “Alvon Istanbul”, “Fi, Chi, Pi”, “Chag‘alaylar hukmdori”, “Kanaga”, “Sovg‘a”, “Qo‘shaloq baxt”, “Otaturk 1881—1919”, “Kvest” kabi film va seriallarda suratga tushgan.

2024-yilning yozida Mehmet Gunsur yangi turk biografik seriali “Anqara mening onam”da bosh rolni o‘ynashi ma’lum bo‘ldi. Uning sherigi Berguzar Korel bo‘ladi.

So‘nggi bir necha yildirki, Mehmet ikki davlatda yashaydi. Turk aktyori ham turk, ham italyan filmlarida suratga tushish uchun muntazam ravishda yangi takliflar oladi. So‘nggi yillarda u yangi shartnomalar imzolashga shoshmayapti. Gunsur ssenariyni o‘qiyotganda o‘zini darhol qahramon o‘rniga qo‘ya olsagina,  suratga tushishga rozi bo‘ladi.

Mehmet Gunsur “Muhtasham yuz yil”da

Gunsur ikkinchi mavsumda mashhur serialning aktyorlar jamoasiga qo‘shiladi. U Mohidavron va sulton Sulaymonning o‘g‘li — shahzoda Mustafo rolini o‘ynaydi. Tug‘ilgandanoq bola vaqti kelganda taxtga o‘tirishini eshitgan va bilgan. Biroq Xurramning haramda paydo bo‘lishi hamma narsani o‘zgartiradi.

Mustafo otasining yangi xotinini o‘zi va onasiga tahdid sifatida qabul qiladi. Bundan tashqari, u bolaligidanoq Mohidavronning ko‘z yoshlarini ko‘rgan, u slavyan ayolning aybi bilan to‘kilgan. Mustafo dastlab otasi Sulaymon bilan iliq va ishonchli munosabatda edi. O‘g‘li ulg‘ayib, Xurramning sultonga ta’siri kuchaygani sari munosabati yanada yomonlashadi. Natijada dushmanlarning qator fitnalari va hiylalari tufayli Sulaymon Mustafoni qatl qiladi.

Gunsurning aytishicha, uning butun faoliyati davomida eng qiyin bo‘lgan kadr — qahramoni qatl qilingan sahna bo‘lgan. U bir necha kun davomida suratga olingan. Mehmetga olamshumul mashhurlik keltirgan Mustafo roli bo‘lishiga qaramay, u buni uzoq vaqt unga berilgan tavqi la’nat deb hisoblaydi. Ko‘p yillar davomida aktyor faqat shahzoda sifatida qabul qilingan. Bu uning karyerasini rivojlantirishga to‘sqinlik qiladi, chunki u haqiqatan ham birgina obrazning garovi bo‘lishni xohlamaydi. Biroq yillar o‘tib, turk yulduzi serqirra aktyor ekanligini amalda isbotlashni afzal ko‘radi.

Shaxsiy hayoti

49 yoshli aktyor 18 yildan beri baxtli turmush kechirmoqda. Katerina Monjio — 2006-yilda turk yulduzining qalbini zabt etgan mashhur italyan rejissyori. 

Rafiqam rejissyor. U to‘liq metrajli film rejissyori bo‘lib, men esa o‘sha film premyerasiga kelgan mehmonlardan biri edim. Biz shunday tanishganmiz. Sevgi birinchi soniyadan emas, tanishganimizdan yarim soat o‘tgandan keyin boshlangan, deydi Mehmet.

Er-xotin baxtli turmush qurgan va uchta farzandi bor — qizlari Maya, Xloye va o‘g‘li Ali. Katerina va Mehmet shaxsiy hayotlarini boshqalardan ehtiyotkorlik bilan yashirishadi. Ular kamdan kam hollarda birgalikda suratlarni ijtimoiy tarmoqlarga joylashtiradi, hech qachon farzandlarining suratlarini ko‘rsatishmaydi. Gunsur bir necha bor jurnalistlarni qonuniy choralar ko‘rishi bilan qo‘rqitib, suratlarini o‘chirishga majburlagan.

Turk aktyori ham xotini kabi baxt sukunatni yaxshi ko‘rishiga amin va ularning mashhurligi bolalariga ta’sir qilmasligi kerak, deb hisoblaydi.

Mehmet Gunsur hozirda

Hozirda Mehmet Gunsur filmlarda rol o‘ynashda davom etmoqda. Shuningdek, u tez-tez mashhur reklama brendlarining modeliga aylanadi. Turk aktyori bo‘sh vaqtini rafiqasi va bolalari bilan o‘tkazishni afzal ko‘radi. Intervyuda u ota bo‘lgandan keyin uning mas’uliyati sezilarli darajada oshganini aytadi.

Mehmet ham o‘qishni va ochiq havoda sayr qilishni yaxshi ko‘radi. Aktyor anchadan beri sevimli mashg‘ulotlari — tennis va chang‘i sportidan voz kecha olmaydi.

Gunsur o‘zini baxtli inson deb biladi, chunki uning orzu qilgan oilasi va sevimli kasbi bor.