Konsertlar va qizil gilam tadbirlaridan oldin yulduzlar turli go‘zallik marosimlarini bajaradi, ularning aksariyati juda g‘alati ko‘rinishi mumkin. Maqolada mashhurlar sahnaga chiqishga qanday tayyorgarlik ko‘rishi haqida hikoya qilinadi.
Beyonse — yuz mashqi, qoshga yelim va oyoq kiyimga kukun
Beyonse konsertga tayyorgarlikni bir necha kun oldin boshlaydi. Avvaliga yengil pilling (teri tozalash) qiladi, konsertda yuz terisi mukammal ko‘rinsin deb. Lekin haqiqiy go‘zallik saloni konsert kuni sahna ortida ochiladi. Makiyajdan oldin Beyonse 15 daqiqa davomida yuzini mashq qiladi — qoshlarini ko‘taradi, lablarini cho‘zadi, yonoqlarini massaj qiladi.
Beyonsening vizajisti Ser Jon aytishicha, bu mashqlar yuz mushaklarini bo‘shashtiradi. Natijada tonal krem ideal surtiladi. Ser Jon bir sirni ham ochdi: Beyonse ba’zida qoshlarini gel bilan emas, balki oddiy yelim-qalam bilan shakllantiradi. Natijada qoshlar issiqda ham yaxshi holatda turadi.
Makiyaj jarayonida Beyonse sharbat bilan oyog‘ini massaj qiladi. Keyin oyoq kiyimga talk kukunini sepadi, natijada oyoqlari achishmaydi va poyabzal siqmaydi.
Ledi Gaga — yuzni tortish uchun skotch
Yana bir mashhur yulduz — sahnaga chiqishidan oldin oddiy skotch bilan yuzini tortadi. Bu g‘alati tuyulishi mumkin, ammo u buni lifting ta’sir beradi deb hisoblaydi. Terini yengil cho‘zish orqali qon aylanishi yaxshilanadi.
Faqat ana shundan keyin Ledi Gaga makiyaj qildiradi. Uning vizajisti Sara Tanoning ta’kidlashicha, qo‘shiqchining barcha obrazlari aynan uning hissiyotlariga asoslanadi. Masalan, Stupid Love klipi suratga olinayotganda Gaga o‘zini kuchli his qilmoqchi bo‘lgan, “Oskar” mukofoti marosimida esa romantikaga to‘la.
Merayya Keri — sutli vanna va ko‘zdagi toshlar
Merayya Keri konsert kuni tongni sutga to‘ldirilgan vanna bilan boshlaydi — go‘yoki Kleopatra kabi. Qo‘shiqchining so‘zlariga ko‘ra, sutga to‘ldirilgan vanna terini yumshoq, tarang va namlangan holatda saqlashga yordam beradi. Bunday natijani hech bir tana kremi bera olmaydi. Aytgancha, sut sovuq bo‘lishi kerak.
Sahna ortidagi tayyorgarlik Merayya tomonidan qat’iy nazorat qilinadi. U tush surishni yoqtirmaydi, yangi vizajistlar uni ishlatmoqchi bo‘lsa, janjal chiqishi hech gap emas.
Uning makiyajidagi asosiy e’tibor doimo ko‘zlarda. Bir konsertda vizajist Kristofer Bakl xonandaning ko‘ziga 50 dona Svarovski toshini yopishtirgan — yorug‘lik ostida bu haqiqiy shouga aylangan.
Rianna — yarim flakon atir sepish
Riannaning barcha chiqishlarida o‘ziga xos “fishkasi” bor. Yulduz o‘ziga juda ko‘p atir sepishni yaxshi ko‘radi. Uning muxlislari hatto bir necha metr naridan ham atirining hidini sezishlari mumkin. Rianna ijtimoiy tarmoqlarda “Oltin globus” marosimi ortida qanday qilib atir sepishini ko‘rsatdi. Videoda ko‘rsatilishicha, u 20 martadan ortiq atir sepayotgan edi.
Rianna atirni avval havoga, so‘ngra kiyimiga, sochiga va terisiga purkaydi. Qo‘shiqchining fikricha, bu uslub atirning uzoq saqlanishiga yordam beradi.
Rianna kuchli va iz qoldiruvchi (shleyfli) hidlarni yaxshi ko‘radi — ularning tarkibida ambra, yasmin va qarag‘ay bo‘ladi.
Selena Gomez — kipriklarni pinset bilan bo‘yash
Tadbirlar va qizil yo‘lakchalardagi chiqishlar oldidan Selena Gomes vizajistlardan kipriklarini bo‘yashni so‘raydi. Ba’zida buni o‘zi ham bajaradi. Yuqori kipriklar odatdagidek bo‘yaladi. Ammo, u pastki kipriklar uchun tush cho‘tkasidan foydalanmaydi, balki ularni pinset yordamida bo‘yaydi. Pinsetga biroz tush surib, 2–3 kiprikni bir-biriga yopishtiradi. Bu esa “qo‘g‘irchoq ko‘zlar” effektini beradi.
Selena Gomes bu usul bo‘yicha videodarslik yozib, ijtimoiy tarmoqlarda layfhakini bo‘lishdi. Video darhol trendga chiqib, internetda “virus”dek tarqaldi.
Bu marosimlar dastlab bema’nidek tuyulishi mumkin. Ammo, aynan shunday uslublar oddiy odamlarni yulduzga aylantiradi.
Izoh (0)