Kolumbiya prezidentligiga nomzod Migel Uribega 7-iyun kuni suiqasd uyushtirildi. Bu haqda Blu Radio xabar berdi.
Ma’lum qilinishicha, 39 yoshli Migel Uribe mamlakat poytaxti Bogotada saylovoldi tadbirida chiqish qilayotganida unga qarata o‘q uzilgan. Jinoyatda gumonlanib 15 yoshli bola ushlangan. Uning Migel Uribega qarata bir necha marotaba o‘q uzgani videoga tushib qolgan.
Unga birinchi tibbiy yordam ko‘rsatgan shifokorning so‘zlariga ko‘ra, Migel Uribe boshidan va chap oyog‘idan yaralangan. Shifoxonaga olib kelingach, jarrohlik amaliyoti o‘tkazilgan. Ayni paytda uning ahvoli og‘irligicha qolmoqda.
39 yoshli senator Migel Uribe Kolumbiyada 2026-yilgi prezidentlik saylovlari ehtimoliy nomzodi. U Kolumbiyaning sobiq prezidenti Alvaro Uribe tomonidan asos solingan “Demokratik markaz” konservativ partiyasidan.
Izoh (0)