Xonandaning turnesi boshlanishidan oldin ham mutaxassislar juda katta miqdordagi daromadni prognoz qilishgan: ular hatto Beyonse gastrollari davomida bir milliard dollar ishlab topishi haqida gapirgan. Beyonse bu miqdordagi daromadga erisha olmadi, biroq uning butun dunyo bo‘ylab gastrollari muvaffaqiyatli, ajoyib tarzda bo‘lib o‘tdi.
.jpg)
Yevropa sessiyasidagi 21 ta shou orqali xonanda 154 million dollar ishlab topdi. Uning eng daromadli chiqishlari Londonda bo‘lib o‘tdi: ular Beyonseni 42,2 million dollarga boyitdi. Iyun oyining oxirida xonanda “Eski dunyo” nomli turini yakunladi. U bu tur davomida milliard dollarlik natijani qayd etmadi, biroq xonanda Shimoliy Amerikaga gastrollari davomida 264 million dollar ishlab topdi.
Sentyabr oyining boshiga kelib, Beyonse 461,2 million dollar yig‘ib, Renaissance World Tour tugashiga bir oy qolganda tarixdagi tijoriy jihatdan eng muvaffaqiyatli ayol xonandalar gastrollaridagi rekordni yangiladi. Avvalgi rekord Madonna va uning Sticky & Sweet Tour’iga tegishli bo‘lib, xonanda bu turnesi davomida 411 million dollar ishlab topgan.
Beyonse gastrollarining yakuniy daromadi 579 million dollarni tashkil etadi. Bu tarixdagi yettinchi eng yuqori ko‘rsatkich hisoblanadi. Xonanda bu miqdorni topish uchun 56 ta konsert berishi kerak edi. Taqqoslash uchun, Elton Jonning dunyo bo‘ylab gastroli besh yil davomida 330 ta konsertdan 939,1 million dollar yig‘gan.
Izoh (0)