Farzand haqida gap ketganda har qanday ota-ona bolasi uchun eng yaxshi narsani ravo ko‘rishini bilamiz. Dunyoga mashhur yulduzlar merosxo‘rlarini hech narsadan rad etmaydi. Ular o‘z fikr va dunyoqarashidan kelib chiqqan holda farzandlarida eng yaxshi bolalik xotiralari qolishi uchun barcha ishga tayyor turadi.
Kayli Jenner
Amerikalik taniqli model va milliarder, tadbirkor Kayli Jenner hashamatli hayot tarzini kechiradi. Uning 4 yoshli qizi Stormi Louis Vuitton brendi ko‘rinishida maxsus dizaynga ega bolalar elektr mashinasi — Lamborghini avtomobilida yuradi. Qizning ulkan o‘lchamdagi qo‘g‘irchoqlar uyi va ichi qimmatbaho kiyim-kechaklarga to‘la hashamatli shkafi bor.
Stormi 2 yoshga to‘lgan kuni onasi qizi uchun shaxsiy istirohat bog‘ini qurib berdi. Tug‘ilgan kun uchun tashkil etilgan tadbirda barcha mehmonlar uchun bepul attraksionlar, basseyn, futbolkalar va esdalik sovg‘alari tarqatilgan.
Parkga kirish qismi Stormining yuzi shaklida qurilgan. Qiziq, bunday sarf-xarajatni ikki yoshli qizaloq tushunarmikan?
“Farzandim shunday sehrli his-tuyg‘ularni tuya olishi uchun kerakli sharoitlarni yarata olganimdan juda xursandman” — deb yozadi Kayli Jenner ijtimoiy tarmoqlarda.
Kardi Bi
Repper ayol doimo o‘z boyligini barchaga ko‘rsatishni yoqtirib kelgan. Xonanda so‘zlariga ko‘ra, bolalari o‘z daraja va maqomiga mos keladigan eng qimmatbaho kiyimlarda yurishi shart. 4 yoshli Kalcher Kiariga qarasangiz, u super yulduzning qizi ekanligini darhol anglaysiz.
“Ochiq aytaman, bolalar bilan tashqariga ko‘p chiqaman: ular men bilan turli restoranlarga, ijtimoiy tadbirlarga tashrif buyurishadi. Agar men doim eng yaxshisini o‘zimga ravo ko‘rsam, qanday qilib bolamni bulardan cheklashim mumkin? Qizim onasiga o‘xshashi kerak”, — deydi xonanda.
Beyonse
Beyonsening 10 yoshli qiziga bundan ham katta omad kulib boqqan. Xonanda qizini nafaqat katta pul bilan siylaydi, balki beshikda bo‘lgan vaqtidanoq qizining karyerasi o‘sishida yordam beradi. Blu Ayvi (Blue Ivy) bolaligidan katta sahnalarda qo‘shiq aytadi va “Qirol sher” filmiga saundtrek aytgani uchun Soul Train Awards mukofotini qo‘lga kiritgan. Taxmin qilinishicha, Beyonse qizining muvaffaqiyatli kelajagi allaqachon kafolatlangan.
Darvoqe, yaqinda Blu Ayvi kim oshdi savdosida 80 ming dollarlik olmosli sirg‘alarni sotib olmoqchi bo‘ldi. Qiziq, bunday katta miqdordagi pullarni ota-onasi bilan maslahatlashmasdan xotirjamlik bilan ishlata oladigan qizga har kuni Beyonse va Jey-Z qancha cho‘ntak puli berishar ekan?
Kristina Agilera
“Eng yaxshisi farzandlar uchun!” Bu Kristina Agileraning doimiy shiori bo‘lib kelgan. Xonandaning birinchi farzandi Maks tug‘ilishidan oldin o‘g‘li uchun mo‘ljallangan xonani dizaynerlik mebellari, qimmatbaho o‘yinchoqlar bilan jihozlagan. Bunday bolalar xonasiga Agilera 35 ming dollar sarmoya kiritgan.
2014-yilda Kristina qizi Sammerni dunyoga keltirdi. Hayotining birinchi kunlarida Sammer onasi bilan “People” jurnali uchun birgalikda suratga tushgan.
Uill Smit
Aktyorning musiqa bilan shug‘ullanadigan ikkita iqtidorli farzandi — qizi Uillou va o‘g‘li Jeyden bor. Uill Smit ularning karyerasi rivojiga katta hissa qo‘shgan. Bolalar nafaqat musiqiy repertuari, balki filmlarda o‘ynagan rollari bilan ham mashhur.
2006-yilda Uill va Jeyden “Baxt ortidan quvib” filmida suratga tushishdi. 2007-yilda uning qizi ham filmda o‘z debyutini amalga oshirdi: Uillou “Men afsonaman” filmining ikkinchi qismida suratga tushdi.
“O‘g‘lim bilan birga ishlab, ota-onalik burchimni bajarmoqdaman. Qarang, biz birgalikda intervyu beryapmiz, birga ishlaymiz va sayohat qilamiz. Shunday paytlarda men o‘g‘limga o‘z bilim va tajribalarimni o‘rtoqlashaman”, — deydi aktyor.
Billi Rey Sayrus
Billi Rey Sayrus bo‘lmaganida edi, dunyo Mayli Sayrus haqida bilmagan bo‘lar edi. Albatta, xonanda butun dunyoga mashhur bo‘lish uchun juda ko‘p mehnat qildi, chunki u bolaligidan qo‘shiq kuylab kelgan.
Ammo shunga qaramay, aktyor va musiqachi Billi Rey qizini targ‘ib qilishda katta yordam bergan. U qiziga vokaldan dars berdi, kuylar bastaladi, ota va qiz bir necha yil davomida Disney kanalidagi “Hanna Montana” serialida birga rol o‘ynashdi. Oiladagi mo’jaro tufayli Mayli hozirda otasi bilan aloqani uzgani juda achinarlidir.
Izoh (0)