Sumka, marjon va ko‘zoynak: mashhurlarning bitta kvartira narxiga teng qimmatbaho aksessuarlari (foto)

Mashhur insonlar ishlab topadigan millionlarini nimalarga sarflaydi? Albatta, yaqinlarini yoki hech bo‘lmaganda o‘zini xursand qilish uchun. Shu sababli yulduzlar tomonidan qimmat narxga sotib olingan yoqimli “kichkina buyumlar” hech kimni ajablantirmaydi. Wday nashri bahosi kvartira bilan barobar bo‘lgan aksessuarlarni xarid qilgan yulduzlar haqida so‘z yuritdi.

Fyodor Bondarchuk, marjon — 65 000 dollar

Rossiyalik rejissor va aktyor Fyodor Bondarchuk bu qimmatbaho sovg‘ani aktrisa Paulina Andreyevaga Yevropada dam olish vaqtida taqdim etdi. Italiyadagi do‘konlardan birida sotib olingan eksklyuziv marjon oq oltindan yasalgan va olmos bilan bezatilgan.

Kseniya Sobchak, sumka — 54 000 dollar

Rossiyalik boshlovchi bu narxga Hermes Birkin sumkasini sotib olgan. Model timsoh terisidan yasalgan va tilla bilan bezatilgan. Bu sumkani Sobchak aynan homiladorligida sotib olgan, balki bu uning barcha ayollarga xos injiqligidir.

Gvinet Peltrou, quyoshdan saqlaydigan ko‘zoynak — 408 000 dollar

Gollivud yulduzi Gvinet har qanday davlat markazidan olish mumkin bo‘lgan yaxshi kvartiraning narxiga aksessuarni sotib oladigan darajada mashhur. Masalan, De Rigo Vision va Chopard brendiga mansub quyoshdan saqlaydigan ko‘zoynak oltindan yasalgan va 51 dona olmos bilan bezatilgan. U allaqachon aktrisaning eng evimli aksessuariga aylanib ulgurgan.

Beyonse, Barbi qo‘g‘irchog‘i — 85 000 dollar

Yulduzlar, avvalo, sevimli farzandini xursand qilishni xohlaydi. Misol uchun, ular olmos bilan bezatilgan Barbi qo‘g‘irchog‘ini sotib olishi mumkin. Beyonse 160 ta qimmatbaho toshlar va oq tilla bilan bezatilgan qo‘g‘irchoqqa buyurtma berib, qizalog‘ini shunday sovg‘a bilan xursand qilgan.

Robert Pattinson, tilla ruchka — 46 000 dollar

Bunday sovg‘a “Sumerki” franshizasining aktyori tomonidan filmdagi partnyori, shuningdek, sobiq sevgilisi Kristen Styuartga tug‘ilgan kuni uchun qilingan. Ruchka oq tilladan yasalgan bo‘lib, dunyo bo‘yicha ulardan atigi 40 dona bor. Boshqa hech kimda shunga o‘xshash narsa yo‘qligini bildirish uchun Pattinson ruchkaga “From R” deb yozdirgan. Ammo juftlik bugun birga emas va Kristen ushbu qimmatbaho sovg‘a bilan dasxat yozishda davom etmoqdami yoki yo‘q, bunisi noma’lum.

Ledi Gaga, arvohlar detektori — 50 000 dollar

Ammo eng g‘alati aksessuarni doimgidek Ledi Gaga sotib oladi. Xonanda arvohlarga ishonadi va unga Rayan ismli sharpa ta’qib qilgandek tuyiladi. U arvohni aniqlash uchun o‘zi bilan 50 000 dollarlik detektorni olib yuradi. Qurilma xonandaga foyda keltiradimi yoki yo‘qligi noma’lum.