The Sunday Times nashri eng boy xonandalar ro‘yxatini eʼlon qildi. Yil davomida tur-konsertlar bilan dunyoning yarmini kezgan Teylor Svift yoki Beyonse bu ro‘yxatdan joy olmadi.
Dua Lipa birinchi o‘rinni egalladi. Ko‘p sinovlarga qaramasdan, u parallel ravishda muvaffaqiyatli biznes yuritishga muvaffaq bo‘ldi. Uning boyligi Radical22 kompaniyasidan olgan daromadi bilan 87 million dollarni tashkil qilgan. Bu asosan qo‘shiqchining otasi Jugajinning xizmati bo‘lib, u xonandaning aktivlarini boshqaradi. Ikki yil ichida ular o‘z daromadlarini uch baravar oshirdi.
“Dua musiqa bilan shug‘ullanishni xohlaydi. Otasi juda ishbilarmon inson. Xonanda daromadining katta qismini otasiga bergan. Shundan so‘ng u Duaning menejeri bo‘ldi. Keyingi mantiqiy qadam uning biznes sherigi bo‘lish edi”, — deyiladi manbada. Mutaxassislarning taʼkidlashicha, Lipa qirq yoshda milliarderga aylanishi mumkin.
Umumiy boylik bo‘yicha Adel Duani ortda qoldirdi. Uning boyligi 210 million dollarni tashkil qilgan. Bu biroz ajablanarli, chunki uning vaʼda qilingan albomi 2023-yilda chiqmadi. So‘nggi maʼlumotlarga ko‘ra, premyera shu yili bo‘lishi rejalashtirilmoqda.
Izoh (0)