Qo‘shiqchilarning gastrol safarlari moda brendlarining asosiy yutuqlarining o‘ziga xos namoyishi hisoblanadi. Ular orasida Beyonse, Teylor Svift va Adel ajralib turadi. Qizig‘i shundaki, ularning hech biri biror brend bilan shartnoma tuzmagan. Ammo ular hashamatli brendlarning millionlab dollarlik daromad topishida katta ta’sir o‘tkazadi.
Beyonse
Ushbu ro‘yxatning so‘zsiz yetakchisi — Beyonse. Uning Renaissance Tour konsert dasturi nafaqat musiqa tarixidagi eng yuqori daromad keltiruvchi gastrol, balki moda brendlarining asosiy yutuqlarining o‘ziga xos namoyishiga aylandi. Xonanda ushbu gastrol safariga o‘zi bilan bir qancha libos olgan: har bir konsertda bir nechta yangi obrazda paydo bo‘ladi. Qizig‘i shundaki, yulduz jamoasi nafaqat Alexander McQueen, Alaïa va Loewe kabi taniqli brendlarni, balki mashhur bo‘lmagan brendlarni ham qo‘llab-quvvatlaydi — masalan, Gruziyaning Situationist va Rossiyaning Yaspis brendi shular jumlasidan. Yulduzning konsertda qanday kiyinishi har qanday brend uchun ajoyib reklama hisoblanadi. Launchemetrics xizmatiga ko‘ra, Alexander McQueen va Tiffany & Co. Renaissance Tour’dan har biri 7 million dollarlik foyda kutmoqda. Albatta, bu faqat taxminiy raqamlar, ammo ular yulduzning sanoatga ta’sir ko‘lamini baholashga imkon beradi.
Teylor Svift
Teylor Svift nafaqat kino sanoatini (uning konsert-filmi Teylor Svift: The Eras Tour chiptalar sotuvidan 37 million dollar ishlab topgan), balki moda sanoatini ham qutqarmoqda. Asosiy benefitsiar — Versace. Italiya brendi Eras tur kostyumlaridan 6,3 million dollar daromad olishni kutmoqda. Roberto Kavalli va Zuhair Murodning omadlari biroz kelmagan: Launchemetrics ma’lumotlariga ko‘ra, qo‘shiqchining chiqishi ularga mos ravishda 4,9 va 2,3 million dollar keltirdi.
“Beyonse va Teylor Sviftning gastrollari brendlar uchun millionlab odamlarga erishish, misli ko‘rilmagan imkoniyatlarga ega bo‘lish va o‘z brendini muxlislar va keng jamoatchilikka yetkazish uchun mukammal platformadir”, — deydi Launchemetrics.
Adel
Adelning sahna garderobi biroz o‘xshash: u qora liboslardan iborat. Biroq bu uning sevimli siluetining yangi talqinlarini taklif qiladigan turli xil dizaynerlarni qo‘llab-quvvatlashiga to‘sqinlik qilmaydi. Prada, Valentino, Givenchy, Nina Ricci va Schiaparelli — bu ro‘yxatning faqat bir qismi xolos. Qaysidir ma’noda qora liboslar yulduz taassurot qoldirish uchun qo‘shimcha maxsus effektlarga muhtoj emasligini anglatadi. Ehtimol, tomoshabinlar e’tiborini asosiy narsa — musiqadan chalg‘itmaslik uchun shunday qilinar. Shunga qaramay, uning har bir sahna obrazi faol muhokama qilinadi.
