Britaniyaning Financial Times (FT) gazetasi talqiniga ko‘ra yilning eng nufuzli 25 nafar ayoli ro‘yxatiga Yevropa komissiyasi rahbari Ursula fon der Lyayen, aktrisa Margo Robbi, qo‘shiqchi Beyonse, Ukraina birinchi xonimi Yelena Zelenskaya kirdi.
Eng nufuzli ayollar ro‘yxatiga, shuningdek, eronlik huquq himoyachisi Nargis Muhammadiy, OpenAI texnologiya bo‘yicha bosh direktori Mira Murati, BMTning biologik xilma-xillik bo‘yicha konvensiyasi ijrochi kotibi Elizabet Maruma Mrema, Braziliya atrof-muhit vaziri Marina Silva, General Motors bosh direktori Meri Barra, shveysariyalik siyosatchi Karin Keller-Zutter, Yaponiyaning Suntory Beverage and Food oziq-ovqat kompaniyasi bosh direktori Makiko Ono, amerikalik aktrisa va ssenariy muallifi Fren Dresher, Ernst & Young konsalting kompaniyasi bosh direktori Janet Trankeyl, hind aktrisasi va xonanda Alia Bhatt, amerikalik yozuvchi Barbara Kingsolver kirgan.
Ukraina rahbarining rafiqasi Estoniya bosh vaziri Kaya Kallas tomonidan dunyodagi eng nufuzli ayollar ro‘yxatiga kiritilgan. Kallas Yelena Zelenskaya “eri kabi qat’iyatning global ramzi” ekanini aytgan.
“Financial Times’ning ushbu maxsus loyihasi bir necha oy davomida o‘nlab idoralardagi yuzlab FT jurnalistlari, auditoriya va soha rahbarlari bilan maslahatlashgan holda yig‘ildi. Yakuniy natija nufuzli mukofotlarga sazovor bo‘lgan ayollar bilan to‘ldirilgan ro‘yxatdir, lekin hatto Nobel mukofotlari, Pulitserlar, Gremmilar va Jahon kuboklari ham ayollar faoliyatining ko‘p qirrali xususiyatini to‘liq aks ettira olmaydi”, — deydi tahririyat.
Izoh (0)