Ba’zi Gollivud mashhurlarining puli shunchalik ko‘pki, hatto xususiy orol sotib olishga ham qurbi yetadi. Faqatgina sizga tegishli bo‘lgan tropik orolni bir tasavvur qilib ko‘ring-a? Ko‘plab taniqli shaxslar bu orzuni allaqachon ro‘yobga chiqarishga ulgurgan.
Beyonse va Jay-Z
Agar barcha narsasi bor ayolga nima sovg‘a qilishni bilmasangiz, unda reper Jay-Z’dan o‘rnak oling. U rafiqasi xonanda Beyonsening tug‘ilgan kuniga 20 000 000 dollarlik Florida-Kis orolini sovg‘a qildi. Oradan uch yil o‘tgach, er-xotin Bagama orollarining bir qismini sotib olishdi.
Riki Martin
Qo‘shiqchi Riki Martin o‘z kelajagi va farzandlari uchun ko‘p narsani muhayyo qilib qo‘ygan. Jumladan, 2008-yilda u Rio-de-Janeyrodan ikki soat uzoqlikda joylashgan Angra Dos Reis orolini 8 000 000 dollarga sotib oldi.
Juliya Roberts
Yana bir orol egasi, Beyonsening qo‘shnisi, aktrisa Juliya Roberts 6 000 000 dollarga Bagama orollarida yer sotib olgan. Mazkur orol oilaviy dam olish uchun mo‘ljallangan.
Jorj va Amaliya Kluni
Klunilar oilasi tropik o‘lkalarni yoqtirmaydi. Ular Angliyaning orol yerlarida o‘zlarining hashamatli o‘n xonali saroyi joylashgan yerga egalik qilishadi.
Jonni Depp
Aktyor Jonni Depp 2004-yilda Bagama orollaridagi Little Halls Pond Cay orolini sotib olgan. Unda bir vaqtning o‘zida oltita plyaj joylashgan. Ularning har biri Deppning eng yaqin insonlari — do‘stlari va farzandlari sharafiga nomlangan.
Leonardo Di Kaprio
Aktyor Leonardo Di Kaprio Karib Dengizi sohilidagi Blekadaro Key orolini 2,4 million dollarga xarid qilgan. U orolda ekologik toza dam olish maskani qurishni rejalashtirgan edi, biroq mahalliy faollar aktyorning rejalariga qarshi kampaniya tuzdi va uning loyihasi noma’lum muddatga to‘xtatib qo‘yildi.
Izoh (0)