Toshkentda motosikl va skuter o‘rtasida sodir bo‘lgan yo‘l-transport hodisasida ikki nafar haydovchi vafot etdi. Bu haqda Poytaxt IIBB YHXB matbuot xizmati xabar bermoqda.
Ma’lum qilinishicha, joriy yilning 8-iyun kuni soat 02:00 larda Sergeli tumani, Fayzli Toshkent ko‘chasida haydovchi 1999-yilda tug‘ilgan Sh.X. boshqaruvidagi QJ Motors rusumli mototransport vositasi va haydovchi 2000-yilda tug‘ilgan M.Z. boshqaruvidagi Drongo rusumli skuteri to‘qnashishi oqibatida yo‘l-transport hodisasi sodir bo‘lgan.
YTH oqibatida haydovchilar olgan tan jarohatlari bilan vafot etgan.
Mazkur holat yuzasidan Toshkent shahar ichki ishlar bosh boshqarmasi Tergov boshqarmasi tomonidan O‘zbekiston Respublikasi Jinoyat kodeksining 266-moddasi 3-qismi (transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lishi) bilan jinoyat ishi qo‘zg‘atilib, dastlabki tergov harakatlari olib borilmoqda.
2-iyun kuni Sergeli tumani Mirzo Tursunzoda—Mehrigiyo ko‘chalari chorrahasida skuter haydovchisi Damas urib yuborishidan halok bo‘ldi.
25-may kuni Namanganda Nexia-3 YTHga uchrab, haydovchisi bilan birga yonib ketgandi. Farg‘onada Nexia haydovchisi bosib ketgan velosipeddagi 12 yoshli bola vafot etdi. Haydovchi uch yil muddatga barcha turdagi transport vositalarini boshqarish huquqidan mahrum qilinib, 5 yilga ozodlikdan mahrum etildi. 10-mayda Toshkent viloyati Bekobod tumanida Damas “peshexod”dan o‘tayotgan piyodani bosib ketdi.
Izoh (0)