Yevropa qit’asining asosiy turniri roppa-rosa bir oydan keyin Myunxenda boshlanadi. Aynan shu musobaqa yozdagi sport tadbirlarini ochib beradi.
Germaniya mezbonligidagi ushbu turnir 10 ta shahardagi stadionlarda o‘tkaziladi.
Berlin
Ushbu maydon Bundesliganing ikkinchi divizionida ishtirok etuvchi “Gerta” futbol klubining uy arenasi. Bu yerda yengil atletika musobaqalari ham o‘tkazilishi rejalashtirilgan.
Stadion nomi: Olimpiashtadion Berlin (Olympiastadion)
Sig‘imi: 70 000 kishi
O‘tkaziladigan o‘yinlar:
15-iyun: Ispaniya — Xorvatiya
21-iyun: Polsha — Avstriya
25-iyun: Niderlandiya — Avstriya
29-iyun: 1/8 final: 2A — 2B
06-iyul: 1/4 final
14 iyul: Final
Kyoln
Kyoln Reyn daryosida joylashgan va Germaniyaning eng ko‘p tashrif buyuradigan diqqatga sazovor shaharlaridan biri.
Stadion nomi: Kyoln stadioni (Rhein Energie Stadion)
Sig‘imi: 47 000 kishi
Bu stadion Bundesliganing shu nomdagi jamoasining uy arenasi hisoblanadi. Stadion 2006-yilda Germaniyada bo‘lib o‘tgan futbol bo‘yicha Jahon chempionati uchun qurilgan.
Futboldan tashqari, maydon har yili boshqa ko‘plab tadbirlarga mezbonlik qiladi, jumladan, amerikancha sokker o‘yinlari, xokkey o‘yinlari va konsertlar shu stadionda o‘tkaziladi.
O‘tkaziladigan o‘yinlar:
15-iyun: Vengriya — Shveysariya
19-iyun: Shotlandiya — Shveysariya
22-iyun: Belgiya — Ruminiya
25-iyun: Angliya — Sloveniya
30-iyun: nimchorak final bahsi: 1B va 3A/D/E/F
Dortmund
Rur viloyatining madaniy yuragi — Dortmund birinchi navbatda ko‘mir, po‘lat bilan mashhur bo‘lgan, ammo hozirda yirik texnologiya markaziga aylangan.
Stadion nomi: BVB Stadion Dortmund (Signal Iduna Park)
Sig‘imi: 66 000
Germaniya futboli yetakchilaridan biri Dortmundning “Borussiya”siga tegishli bu stadion butun dunyoga “Sariq devor” (Die Gelbe Wand) nomi bilan mashhur.
Bu yil stadion o‘zining 50 yilligini nishonlamoqda. U 1974-yilda G‘arbiy Germaniyada bo‘lib o‘tgan futbol bo‘yicha jahon chempionati uchun qurilgan bo‘lib, 2001-yilda UEFA kubogi finaliga mezbonlik qilgan.
Shuningdek, bu maydonda Italiya 2006-yilgi Jahon chempionati mezboni Germaniyani qo'shimcha vaqtda mag‘lub etgan.
O‘tkaziladigan o‘yinlar:
15-iyun: Italiya — Albaniya
18-iyun: Turkiya — Gruziya
22-iyun: Turkiya — Portugaliya
25-iyun: Fransiya — Polsha
29-iyun: 1/16 final, 1A va 2C
10-iyul: Yarim final
Dyusseldorf
Dyusseldorfning Eski shahar qismida restoranlari juda ham ko‘p.
Stadion nomi: Dyusseldorf Arena (Merkur Spiel-Arena)
Sig‘imi: 47 000
Ushbu stadion 2-divizion jamoasi o‘yinlariga mezbonlik qiladi. Bundesliganing “Fortuna Dyusseldorf” klubi Reyn daryosi bo‘yida joylashgan stadionda o‘ynaydi.
2004-yil sentabr oyida ochilgan bu stadion birinchi marta erkaklar o‘rtasidagi yirik xalqaro turnirni o‘tkazish uchun foydalaniladi.
Yopilib qayta ochiladigan tom qismi va ichki isitish tizimi uni futboldan tashqari turli tadbirlar, birinchi navbatda, konsertlar uchun jozibali maydonga aylantiradi.
Bu yerda Rolling Stones, Bon Jovi, Madonna, Beyonse va One Direction kabi san’atkorlar chiqish qilgan.
O‘tkaziladigan o‘yinlar:
17-iyun: Avstriya — Fransiya
21-iyun: Slovakiya — Ukraina
24-iyun: Albaniya — Ispaniya
1-iyul: 1/16 final, 2D va 2E
6-iyul: Chorak final
Frankfurt
Frankfurt Germaniyaning beshinchi yirik shahri. Mayn daryosi bo‘yida joylashgan shahar jahon moliya markaziga aylangan.
Stadion nomi: Frankfurt Arena (Deutsche Bank Park)
Sig‘imi: 46 000 kishi
Mamlakatning moliyaviy poytaxtida joylashgan stadion deyarli bir asrdan beri mavjud. Maydon 1974-yilgi futbol bo‘yicha jahon chempionati oldidan ta’mirlangan.
Bundesliganing “Ayntraxt Frankfurt” klubining uyi stadioni hisoblangan arena Germaniyada o‘tkazilgan oldingi uchta yirik erkaklar bo‘yicha xalqaro turnirlarga va 2011-yilda AQSh va Yaponiya jamoalarining ayollar o‘rtasidagi Jahon chempionati finaliga mezbonlik qilgan.
O‘tkaziladigan o‘yinlar:
17-iyun: Belgiya — Slovakiya
20-iyun: Daniya — Angliya
23-iyun: Shveysariya — Germaniya
26-iyun: Slovakiya — Ruminiya
1-iyul: nimchorak final bahsi, 1F va 3A/B/C
Gelzenkirxen
Bir vaqtlar ko‘mir va po‘lat qazib olish bilan mashhur bo‘lgan Gelzenkirxen bugungi kunda yashil maydonlar, teatrlar va qayiq sayohatlarini taklif etadi.
Stadion nomi: Arena AufSchalke (Veltins-Arena)
Sig‘imi: 50 000
2001-yil avgust oyida ochilgan bu stadion “Shalke-04” futbol klubi o‘zining eski “Parkstadion” stadionidan 10 daqiqalik piyoda yurish mumkin bo‘lgan boshqa hududga ko‘chishga qaror qilganidan so‘ng qurilgan. Stadion 2006-yilgi Jahon chempionatida beshta o‘yinga, shuningdek, 2004-yilda “Monako” va “Portu” o‘rtasidagi UEFA Chempionlar Ligasi finaliga mezbonlik qilgan.
Stadion nafaqat ochilib-yopiladigan tomga, balki huddi shunday imkoniyatli maydonga ham ega bo‘lganligi sababli turli sport va nosport tadbirlarini o‘tkazish uchun ko‘p maqsadli arena vazifasini o‘tashi mumkin.
Iyul oyida Teylor Sviftning konserti yoki dekabr oyida bo‘lib o‘tadigan xalqaro biatlon musobaqasi bo‘ladimi— bu stadion hammasini bajara oladi.
O‘tkaziladigan o‘yinlar:
16-iyun: Serbiya — Angliya
20-iyun: Ispaniya — Italiya
26-iyun: Gruziya — Portugaliya
30-iyun: nimchorak final bahsi, 1C va 3D/E/F
Gamburg
O‘zining tungi hayoti tufayli Gamburg ko‘plab sayyohlar ro‘yxatida turadi. Gamburg mamlakatning poytaxti bo‘lmagan Yevropaning uchinchi yirik shahri hisoblanadi.
Stadion nomi: Volksparkstadion Gamburg
Sig‘imi: 50 000 kishi
Ushbu stadionda sobiq Yevropa chempioni “Gamburger SV” o‘ynaydi.
Yillar davomida stadion uchta xalqaro turnir, shuningdek, 2010-yilgi UEFA Yevropa Ligasi finaliga mezbonlik qilgan.
Stadionning shimoli-g‘arbiy burchagida 2001-yilda “Gamburger” jamoasi tomonidan 1963-yilda Bundesliga tashkil etilganidan beri hech qachon yuqori diviziondan tushib ketmaganini eslatish uchun katta soat o‘rnatilgan edi.
Biroq soat 2018-yilda klub Bundesliganing ikkinchi divizioniga tushib ketganidan keyin olib tashlandi.
O‘tkaziladigan o‘yinlar:
16-iyun: Polsha — Niderlandiya
19-iyun: Xorvatiya — Albaniya
22-iyun: Gruziya — Chexiya
26-iyun: Chexiya — Turkiya
5-iyul: Chorak final bahsi
Leypsig
2010-yillardan buyon shahar hayot sifati yuqori bo‘lgan markaz sifatida shuhrat qozondi. Bu shaharni mahalliy aholi “yangi Berlin” deb ataydi. Ushbu shaharda mashhur kompozitor Iogann Sebastyan Bax tug‘ilgan.
Stadion nomi: Leypsig stadioni (Red Bull Arena)
Sig‘imi: 42 000 kishi
Stadion birinchi marta 2004-yilda ochilgan. Bundesliga jamoasi “RB Leypsig” 2010-yildan beri uy uchrashuvlarini o‘tkazadi.
Stadion 2006-yilgi futbol bo‘yicha Jahon chempionatida beshta o‘yinga mezbonlik qilgan, jumladan, Fransiya va Janubiy Koreya o‘rtasidagi guruh bosqichidan o‘rin olgan uchrashuvda durangdan g‘azablangan Zinedin Zidan tanaffus vaqtida hafsalasi pir bo‘lgan holda kiyinish xonasining eshiklaridan birini tepib yuborgan.
Shundan keyin “RB Leypsig” barcha tashrif buyuruvchilar ko‘rishi uchun o‘sha joyga oltin ramka osib qo‘ygan.
O‘tkaziladigan o‘yinlar:
18-iyun: Portugaliya — Chexiya
21-iyun: Niderlandiya — Fransiya
24-iyun: Xorvatiya — Italiya
2-iyul: 16-tur, 1D va 2F
Myunxen
Germaniyaning Berlin va Gamburgdan keyin uchinchi yirik shahri, boy tarix, san’at galereyalari, bog‘larga ega ko‘hna shahar.
Stadion nomi: Myunxen Football Arena (Allianz Arena)
Sig‘imi: 67 000 kishi
2005-yilda qurilgan stadion dastlab 2017-yilgacha “Bavariya” hamda “1860 Myunxen” klubining ham uy maydoni bo‘lgan, keyinchalik “Bavariya” yagona ijarachiga aylangan.
Ushbu stadion rangini butunlay o‘zgartira oladigan birinchi stadion hisoblanadi. Stadionning tashqi ko'rinishi Myunxenda kech tushganda yonib turadigan LED chiroqlar bilan to‘ldirilgan.
Bu yerda 2012-yilgi Chempionlar Ligasi finali bo‘lib o‘tgan. Unda “Chelsi” penaltilar seriyasida “Bavariya” ustidan g‘alaba qozongan.
Stadion, shuningdek, Yevro—2024 doirasidagi to‘rtta o‘yinga mezbonlik qildi va ketma-ket Yevropa chempionati turnirlarini o‘tkazish uchun foydalanilgan birinchi stadionga aylandi.
O‘tkaziladigan o‘yinlar:
14-iyun: Germaniya — Shotlandiya
17-iyun: Ruminiya — Ukraina
20-iyun: Sloveniya — Serbiya
25-iyun: Daniya — Serbiya
2-iyul: Nimchorak final o‘yini, 1E va 3A/B/C/D
9 iyul: Yarim final (22:00)
Shtutgart
Shtutgartda dunyodagi eng mashhur ikki avtomobil ishlab chiqaruvchi Mercedes va Porsche kompaniyalari joylashgan. Shuningdek, mehmonlar shaharda eng yaxshi oshpazlar tomonidan tayyorlangan taomlardan bahramand bo‘lishi mumkin.
Stadion nomi: Shtutgart Arena (MHPArena)
Sig‘imi: 54 000
Germaniyaning Shtutgart shahridagi stadion, “Shtutgart” futbol klubining uy uchrashuvlari uchun asosiy arena hisoblanadi. U 1933-yilda me’mor Pol Bonats loyihasi bo‘yicha qurilgan.
O‘tkaziladigan o‘yinlar:
16-iyun: C guruhi. Sloveniya — Daniya
19-iyun: “A” guruhi. Germaniya — Vengriya
23-iyun: A guruhi Shotlandiya — Vengriya
26-iyun: E guruhi. Ukraina – Belgiya
5-iyul: Chorak final
Eslatib o‘tamiz, Yevro—2024 musobaqasi Germaniyada 14-iyundan 14-iyulgacha bo‘lib o‘tadi.
Izoh (0)