Har bir ajoyib obrazning orqasida butun bir jamoa — vizajistlar, sartaroshlar va albatta, stilistlar turadi. Aynan ular mashhurlarni moda ramzlariga aylantiradi va qizil gilamda chiqishlarini tarixga muhrlaydi. Quyidagi maqolada yulduzlar uchun bunday o‘zgarishlar qanchaga tushishini bilib olasiz.
Yulduz uchun imij bu shunchaki kiyim emas, balki uning muvaffaqiyatining muhim qismidir. Yorqin chiqishlar jurnallar muqovalariga chiqishga, shartnomalar imzolashga va jamoatchilik muhabbatini qozonishga yordam beradi. Buning ortida doimo stilist — kiyimni tarixga aylantiradigan inson turadi. Ushbu maqolada biz eng yaxshi stilistlardan qaysi biri millionlab pul ishlashini va ularga nima uchun shunchalik ko‘p haq to‘lanishini aytib beramiz.
Zendaya stilisti: 1 chiqish uchun 5 000 dollar
Gollivudning mashhur stilisti Lou Rouch yaqinda nafaqaga chiqishga qaror qilib, butun sanoatni larzaga keltirdi. U ko‘plab yulduzlarga moda uylari bilan shartnomalar, afsonaviy chiqishlar va taniqli uslubni sovg‘a qildi. Uning mijozlari orasida Hunter Shafer, Anya Teylor-Joy, Selin Dion va boshqalar bor edi. Rouch o‘n yildan ortiq vaqt davomida birga ishlagan Zendaya uchun moda olamiga chipta bo‘ldi.
U Met Gala uchun uning afsonaviy obrazlarini yaratdi, shuningdek, moda uylari bilan shartnomalar tuzishga yordam berdi. Aktrisa uchun bunday mashhur stilist qancha turdi?
2023-yilda Lou Rouchning hisobida 1,4 million dollar bor edi. U o‘nlab yillar davomida ommaviy axborot vositalarini hayajonga solgan qizil gilam kiyimlari bilan tanilgan. Rouch har bir bunday chiqish uchun 5 000 dollardan olgan. Zendayaning ushbu narxlarga munosabati haqida u shunday hikoya qiladi: “Odamlar: ‘o, narx juda yuqori’, deyishardi, u esa: ‘Shunga qaramay, uni to‘lash kerak’, deb javob berardi”.
Beyonse stilisti: olti nolli gonorar
Hip-Hopni modaga kiritgan ayol — Marni Senofont haqida shunday deyishadi. Aynan uning taklifi bilan moda uylari rep ijrochilar bilan shartnoma tuza boshladilar. Ushbu stilist mashhur rep ijrochilar Jay Z, P. Diddy va Beyonse bilan ishlagan. U Lemonade albomining ajoyib vizual qiyofasini, “7/11” qo‘shig‘ining klipi va Beyonsening 2016-yildagi Super Bowlʼdagi obrazini yaratgan. Albatta, Senofont bu loyihalarning barchasi uchun adolatli mukofot puli olgan.
Marnining hisobida allaqachon 10 million dollardan ortiq pul bor va bu raqam faqat ko‘paymoqda. Stilistga nafaqat mashhurlar bilan ishlash, balki o‘zining mashhur blogi ham daromad keltiradi, bu uni to‘liq huquqli influenserga aylantirdi. Aniq raqamni aytish qiyin, lekin mish-mishlarga ko‘ra, Beyonse unga bitta albomni stilizatsiya qilish uchun 100 000 dollardan ko‘proq pul to‘lagan.
Riannaning stilisti: qizil gilam uchun 20 000 dollar
Riannaning deyarli butun karyerasida uning yorqin uslubi ortida bir kishi turgan. U ko‘plab Gollivud trendlarining boshlanishida turgan, mashhur stilist va jurnalist Mel Ottenbergdir. Aynan u qo‘shiqchiga afsonaviy “yalang‘och” libos kiydirgan, Met Gala uchun uning ko‘plab obrazlarini yaratgan va We found love qo‘shig‘ining klipi uslubini yaratgan. Ottenberg ko‘plab boshqa yulduzlar Kristina Aguilera, Selena Gomez, Lana Del Rey kabilar bilan ham ishlagan, lekin uning aynan Rianna bilan hamkorligi moda dunyosida taqdirga bog‘liq deb hisoblanadi.
Xo‘sh, zamondan o‘zib ketgan uslubning narxi qancha?
Melning millionlab boyligi jurnalistika, brendlar bilan shartnomalar va albatta, mashhurlar bilan ishlashdan to‘plangan. Mish-mishlarga ko‘ra, uning mijozlari qizil gilamga chiqish uchun 20 000 dollardan to‘laydilar. Bu narx juda yuqori ko‘rinadi, ammo yulduzlar ommaviy axborot vositalarining sarlavhalarida bo‘lish uchun bunday pulni to‘lashga tayyor.
Ledi Gaganing stilist: Met Gala’ning eng qimmat ustasi
Ledi Gagani jahon miqyosida shuhrat qozonishida uning shov-shuvli kiyimlari muhim rol o‘ynagan. Uning har bir chiqishi ijtimoiy tajriba, fikr bildirish, moda tarixida iz qoldirishdir. Va bunday noyob obrazlarni tanlash uchun Gaga oddiy yaxshi stilistga emas, balki uning qarashlarini baham ko‘radigan odamga muhtoj edi. Bunday inson Brendon Maksvell bo‘ldi. U qo‘shiqchining ko‘plab kult kliplarida: Judas, Alejandro, Applause va shuningdek, Gagani doimo eʼtibor markazida qilgan ko‘plab qizil gilamlardagi kiyimlarni tanlagan.
Yulduzlar bilan ishlashdan tashqari, Maksvell o‘zining hashamatli brendini yaratish bilan shug‘ullanadi. Uning kiyimlarini Nikol Kidman, Michelle Obama, Oprah Uinfri va boshqa taniqli ayollar yaxshi ko‘radilar. Bu loyihalarning barchasi stilistga juda ko‘p pul keltiradi: hozirda uning hisobida 3,5 milliondan ortiq dollar bor. Met Gala uchun dizaynerlar orasida u eng ko‘p haq to‘lanadigan stilistga aylandi. Lekin uning ish haqi haqida hech kim gapirmaydi.
Trendlarni bashorat qilish, dadil g‘oyalarni amalga oshirish va kiyimni manifestga aylantirish — stilistlarning ishi ko‘ringanidan ko‘ra ancha murakkab. Aynan shuning uchun top moda ustalari aql bovar qilmaydigan miqdorda pul ishlab topishadi. Zero, ularning birgina obrazi nafaqat axborot maydonini portlatib yuborishi, balki sanʼatkorga shon-shuhrat cho‘qqisiga chipta taqdim etishi mumkin.
Izoh (0)