Mashhurlarning hayoti har doim ham havas qilarlik darajada deb bo‘lmaydi. Ular farzandidan ayrilishdek og‘ir judolikni boshdan kechirganini ko‘pchilik bilmaydi ham.
Mayk Tayson
2009-yilda Mayk Tayson to‘rt yoshli qizidan ayriladi. Kichkina Eksodes uyda qarovsiz qolgan. O‘ynab yurganida yugurish yo‘lakchasi (velodorojka) simiga o‘ralashib qolishi natijasida bo‘g‘ilib o‘lgan. Qizchani katta akasi ko‘rib qoladi va onasini chaqiradi. Shifokorlar Eksodesni 24 soat davomida saqlab qolishga harakat qilishadi, ammo buning uddasidan chiqa olishmaydi. Qizaloq otasining qo‘lida jon beradi.
Selin Dion
2010-yilning kuzida My heart will go on romantik qo‘shig‘i ijrochisi Selin Dion egizaklari — Eddi va Nelsonni dunyoga keltiradi. Ammo dastlab bo‘lajak ota-ona uch nafar egizak kutishgan. Ammo homiladorlikning ilk bosqichlarida egizaklardan birining yuragi urishdan to‘xtaydi. “Bu biz uchun katta zarba bo‘ldi”, deydi Selin.
Merayya Keri
2008-yilda amerikalik pop qo‘shiqchi Merayya Keri reper Nik Kannonga turmushga chiqadi. Er-xotin dahshatli fojia sodir bo‘lgunga qadar baxtli edi, ular farzand ko‘rishni rejalashtirishgan: ammo Keri homila tushishi natijasida bolasidan ayrilgan.
Er-xotin bu judolikni yengib o‘tishga muvaffaq bo‘ladi: uch yildan so‘ng 2011-yilda egizaklar — qizi Monro Kannon va o‘g‘il Morokkan Skott Kannon dunyoga keladi.
Kortni Koks
“Do‘stlar” sitkomi yulduzi Kortni Koks aktyor Devid Arkett bilan bir necha yil baxtli turmush qurgan, ammo ular farzand ko‘ra olmaydi. 2001-yildan 2010-yilgacha Kortni Koks sakkiz marta homilador bo‘ladi. U faqat bitta farzandini — Koko ismli qizini (2004-yilda tug‘ilgan) dunyoga keltira oladi.
Beyonse
Hozirda Beyonse va reper Jey-Zining uch farzandi bor. Dastlab Blu Ayvi ismli qizi tug‘iladi. Erining xiyonatiga bag‘ishlangan feministik albomidan so‘ng, xonanda egizak farzandlarni dunyoga keltiradi. Ammo Jey-Zi bilan munosabatlarining boshida Beyonse bir necha marta homilador bo‘lganini deyarli ko‘pchilik bilmaydi.
Kianu Rivz
Gollivud yulduzi Kianu Rivz ham tug‘ilmagan farzandini yo‘qotishdek dahshatli fojiani boshdan kechirgan. 1999-yilda u va sevgilisi Jennifer Saym qiz farzand ko‘rishni kutishgan. Unga hatto ism ham tanlab qo‘yishadi — Ava.
Afsuski, ularning orzulari amalga oshmaydi. Jennifer o‘lik bola dunyoga keltiradi. Shundan so‘ng u o‘zini qo‘lga ololmay, giyohvand moddalarga berilib ketadi. Bir yarim yil o‘tgach, Jennifer Saym avtohalokatda vafot etadi.
Bir necha yil oldin Kianu ota bo‘lishdan umidini uzganini aytadi. “Endi juda kech. Hammasi tugadi. Men 52 yoshdaman, endi farzandlarim bo‘lmaydi”, — degandi u 2017-yilda bergan intervyusida.
Jon Travolta
Aktyor Jon Travolta — qizi Ella va o‘g‘li Benjaminning baxtli otasi. Shuningdek, uning uchinchi farzandi ham bor edi — katta o‘g‘li Jett. U autizm spektrining buzilishi bilan kasallangandi. 16 yoshida Jett yuvinish xonasida qattiq yiqilib tushadi. Jarohatlar shunchalik og‘irligidan, o‘smir vafot etadi.
Izoh (0)