Statistika ma’lumotiga qaraganda, istalgan odam xarajatlarining asosiy qismini yegulik va oziq-ovqatlarga ketgan mablag‘ tashkil qiladi. Yulduzlarni-ku gapirmasa ham bo‘laveradi. “Lisa.ru” ovqatlanishga katta mablag‘ sarflagan mashhurlar haqida ma’lumot berdi.
Devid va Viktoriya Bekhem
Yaqinda mashhur juftlik do‘stlari bilan vaqt o'tkazish uchun Mayamidagi sevimli fransuz restorani LPMga bordi. G‘arb ommaviy axborot vositalarining yozishicha, Bekhemlar oilasi taomlarga: anorli makkajo‘xori, branzino, endiviya salati, qizil lutsiana balig‘i va boshqa ko‘plab yeguliklarni buyurtma qilgan.
Page Six portalining xabar berishicha, mashhurlar 2 400 dollarga ovqatlangan va bundan tashqari katta miqdorda — 373 dollar choychaqa qoldirgan.
Insayderlarning so‘zlariga ko‘ra, Bekhemlar pul masalasida bahslashishmaydi, shuningdek, xizmatchilarga o‘zlarini ulardan ustun qo‘ymasdan, xushmuomalalik bilan munosabatda bo‘ladi.
Jastin Biber
Kanadalik xonanda ovqatni yaxshi ko‘radi. To‘g‘ri ovqatlanish va qat’iy diyetalar mavzusi unga tegishli emas, shuning uchun Jastin istagan narsasini iste’mol qiladi.
Masalan, Jastin meksika oshxonasini yaxshi ko‘radi va u taomlarni ko‘pincha o‘zi bilan olib ketadi. Biroq, xonanda do‘stlarini kechki ovqatga Xitoy oshxonasiga taklif qilgan va ovqatlanish uchun 200 ming dollar sarflagan.
Jennifer Eniston
“Do‘stlar” sitkomining yulduzi to‘g‘ri ovqatlanishga rioya qiladi, chunki uning oylik menyusini tuzadigan o‘z diyetologi bor. Jennifer unga xizmatlari uchun oyiga 2 700 dollar, yiliga esa 19 500 dollar sarflaydi.
51 yoshli aktrisaning ovqatlanish masalasiga bunday katta mablag‘ sarflashi sizni hayron qoldirishi mumkin, biroq uning jozibadorligi va go‘zalligi to‘g‘ri ovqatlanishga bog‘liq.
Ember Xyord
Jonni Depp sobiq rafiqasining moliyaviy ahvoli uning aktyor bilan bo‘lgan sud jarayoni davomida ma’lum bo‘ldi.
Ember taqdim etgan budjet hujjatlaridan ma’lum bo‘lishicha, u o‘zi taom tayyorlash uchun mahsulotlarga 2 000 dollar va restoranlarga ham shuncha pul sarflaydi.
Xyord shuncha mablag‘ni restoranlarga sarflay olishiga qaramay, oylik daromadi 15 000 dollar ekanligidan, ya’ni kamligidan norozi.
Britni Spirs
2000-yillarning yulduzi va 2020-yilning “eng g‘alati xonandasi” oziq-ovqat mahsulotlariga oyiga 4 000 dollar sarflaydi. Shuningdek, u ko‘chada ovqatlanish uchun oyiga 6 000 dollar ajratadi.
Kayli Jenner
Kayli Jenner dunyodagi eng boy ishbilarmon ayollardan biri hisoblanadi, u oziq-ovqat yetkazib berish xizmati uchun yiliga 10 000 dollardan ko‘proq mablag‘ sarflaydi. Kaylining eng qimmat buyurtmasi 1942-yildagi tekila shishasi bo‘lib, eng arzoni esa bitta sabzi hisoblanadi.
Beyonse
Single Ladies guruhi xonandasi va Jay-Z’ning turmush o‘rtog‘i tez tayyorlanadigan taomlar restoranidan 50 dona kartoshka, 22 quti Chicken Mcnuggets, salatlar va 26 dona burger buyurtma qildi. U buni o‘ziga emas, raqs guruhi uchun xarid qilgan. Buyurtma esa xonandaga 1 200 dollarga tushgan. Beyonse ovqat pishirishni yoqtirmagani uchun shaxsiy oshpaziga oyiga 7 500 dollar to‘laydi.
Izoh (0)