Beyonse o‘z muxlislari uchun hamma narsaga tayyor. Xonanda AQSHdagi konsert dasturi noqulay ob-havo sababli kechiktirildi va u muxlislariga qulay bo‘lishi uchun metroga qo‘shimcha ish soati uchun 100 ming dollar to‘ladi.
5-avgust kuni xonanda Beyonse Vashingtonda muxlislariga konsert dasturini taqdim etdi. Amerika poytaxtidagi noqulay ob-havo gastrol safariga o‘zgartirishlar kiritilishiga sabab bo‘ldi. Shundan keyin Beyonsening sahnaga ikki soat kechikib chiqishi ma’lum bo‘ldi. Bu vaqt davomida muxlislar uni sabr bilan kutishdi va ob-havo noqulayliklari sabab stadion “naveslari” ostiga yashirinishdi.
Kechqurun kuchli yomg‘ir haqida ogohlantirish e’lon qilindi va Beyonsening rejalari xavf ostida qoldi.
“Darvoza tashqarisi va mashinalar to‘xtash joyidagi tomoshabinlardan mashinalariga qaytishlari, stadion ichidagi barcha tomoshabinlardan esa keyingi ogohlantirishgacha yopiq zallarda va pandusalarda yashirinishlari so‘raladi. Sabr qilganingiz uchun rahmat”, — deyiladi xabarda.
Xonanda rejalarni o‘zgartirgan va o‘n minglab muxlislar tadbirdan so‘ng uylariga bemalol yetib olishlari uchun metroning ish soatini uzaytirgan. Beyonse barcha xarajatlarni o‘z zimmasiga oldi — metroning qo‘shimcha ish soati unga 100 000 dollarga tushdi, biroq tur bu mablag‘ni qoplay oldi.
Yuzga yaqin metro bekati ochiq bo‘lgan va kirish FedExField stadioniga eng yaqin joy — Morgan bulvari orqali amalga oshirilgan. Konsertga tashrif buyurgan barcha muxlislar hech qanday muammosiz uylariga qaytishga muvaffaq bo‘lgan.
Hatto tabiat ham xonandaga o‘z rejasini amalga oshirishga to‘sqinlik qila olmagan.
Izoh (0)