Farzand tarbiyasi juda murakkab va mas’uliyatli ish. Ayniqsa egiz farzandlar parvarishi bilan shug‘ullanish katta mehnat talab etadi. Ba’zi mashhurlar egizaklarni tabiiy ravishda dunyoga keltirgan, boshqalar esa surrogat onalik xizmatidan foydalangan. Har qanday holatda ham yulduzlarning o‘z farzandlariga bo‘lgan mehri cheksizdir. Quyida egizak bolalar tarbiyasi bilan shug‘ullanib kelayotgan mashhurlar bilan tanishamiz.
Julia Roberts va Daniel Moder
Aktrisa 2002-yilda amerikalik kinematograf Daniel Richard Moderga turmushga chiqdi. Ikki yil o‘tgach, oilada Hazel va Finni ismli egizak farzandlar tug‘ildi. Bolalar homiladorlikning sakkizinchi oyida dunyoga kelgan, tug‘uruq jarayonlari esa asoratsiz kechgan.
Jennifer Lopes va Mark Entoni
Jennifer Lopes va Mark Entoni 2011-yilda egizak qizlar — Emma va Maksimilianning ota-onasi bo‘lishdi. Oradan uch yil o‘tib yulduzli juftlik ajrashdi, ammo ular farzandlari uchun iliq munosabatlarni saqlab qoldi.
Anjelina Joli va Bred Pitt
Uzoq yillik nikohdan so‘ng baribir ajrashishga qaror qilgan ushbu juftlikning oltita farzandi bor, ularning uch nafari asrab olingan. Vivyen va Noks ismli egizaklar 2008-yilda dunyoga kelgan.
Sara Jessika Parker va Mettyu Broderik
Gollivud aktrisasi Sara Jessika Parker va uning turmush o‘rtog‘i uch nafar farzand tarbiyasi bilan shug‘ullanib kelmoqda. Aktrisa to‘ng‘ich farzandini o‘zi dunyoga keltirgan, ikki egizak qizlarini esa surrogat ona tug‘ib bergan.
Elza Pataki va Kris Hemsvort
Aktyorlarning uch nafar farzandi: 2014-yilda tug‘ilgan to‘ng‘ich qizi va ikki nafar egizak o‘g‘li bor. Aytgancha, Hemsvortning qizi otasining izidan borib, u bilan birga “Tor: Sevgi va chaqmoq” filmida suratga tushgan.
Jorj va Amalya Kluni
Gollivud aktyori Jorj Kluni turmush o‘rtog‘i va advokat Amalyani uchratishdan avval farzandli bo‘lmaslik tarafdori — chayldfri inson edi. Biroq oila qurgach, aktyor o‘z fikrini o‘zgartirdi. Hozirda juftlik Aleksandr va Ella ismli egizak farzandlarni tarbiya qilmoqda.
Beyonse va Jey Zi
Yulduzli juftlik uch nafar qiz farzandlarni katta qilmoqda. 2017-yilda tug‘ilgan egizak qizlariga ular Rumi va Sera deb ism qo‘ygan.
Enrike Iglesias va Anna Kurnikova
Rossiyalik sportchi Anna Kurnikova deyarli 20 yildan buyon qo‘shiqchi Enrike Iglesias bilan baxtli hayot kechirmoqda. Yulduzli juftlik uchta farzandni tarbiyalamoqda — egizak o‘g‘illar Lyusi va Nikolay hamda Mariya ismli qizaloq.
Krishtianu Ronaldu va Jorjina Rodriges
Jahonga mashhur futbolchining besh nafar farzandi bor. Jorjina Rodriges 2017-yilda Mateo va Eva ismli egizaklarni dunyoga keltirdi. Afsuski, bir necha yil oldin model ikkinchi homiladorligida egizaklaridan birini yo‘qotdi.
Ilon Mask
2022-yil iyul oyida Ilon Mask va Shivon Zilis egizak farzandlar ota-onasi bo‘lishdi. Maskning sobiq rafiqasi Jastin Uilson uch egiz bolalarni dunyoga keltirgan.
Izoh (0)