Ba’zan kerakli vaqtda kerakli joyda bo‘lishning o‘zi ham olamshumul mashhurlik olib kelishi mumkin.
Hit Lejer — Joker
Kristofer Nolan Hit Lejerni Joker roliga tasdiqlaganini e’lon qilganida, DC Comics muxlislari internetda qattiq norozilik bildirishadi: “Joker rolida qandaydir yoqimtoy bola? Bo‘lishi mumkinmas!”; “Joker — qo‘rquv uyg‘otadigan aktyor ijro etishi kerak bo‘lgan qahramon. Shunchaki omadi kelgan yigitcha emas.”
Ammo film kinoteatrlarga chiqishi bilan o‘sha muxlislar tillarini tishlashga majbur bo‘lgan. 2009-yil fevral oyida Joker Lejerga ikkinchi plandagi eng yaxshi erkak roli uchun vafotidan keyin “Oskar”ni taqdim etdi.
Gal Gadot — Mo‘jizakor ayol
Amazonkalar malikasi Diana roli uchun film prodyuserlar Sandra Bullok, Ketrin Zeta-Jons, Anjelina Joli, Beyonse va hatto Merayya Kerini ham sinab ko‘rishgan. 2013-yilda rejissyor Zak Snayder nihoyat isroillik aktrisa va model Gal Gadot “Mo‘jizakor ayol” rolini o‘ynashini e’lon qiladi. Bu ham muxlislar noroziligiga sabab bo‘ladi: ular Gadotning nozik va ozg‘inligini tanqid qilishadi.
Biroq Gadot bu hujumlardan qo‘rqmaydi. Natijada uning amazonka malikasi obrazi “Betmen Supermenga qarshi” filmidagi eng hayratlanarli obrazlardan biriga aylanadi va keyingi “Mo‘jizakor ayol” superqahramonlar kinosi tarixidagi eng ko‘p daromad keltirgan filmlar beshligiga kiradi.
Maykl Kiton — Betmen / Bryus Ueyn
1989-yilda Maykl Kiton jamoatchilikka komedik aktyor sifatida tanilgandi. Rejissyor Tim Byorton keyingi Betmenni Maykl o‘ynashini e’lon qilganida, muxlislar Warner Bros kinokompaniyasini norozilik xatlari bilan to‘ldirib yuborishadi — jami 50 mingdan ortiq xat keladi.
Biroq barcha qo‘rquvlar behuda bo‘lib chiqadi. Betmen rolidagi Kiton va Joker rolidagi Jek Nikolson dueti Gotem superqahramonlari tarixidagi eng muvaffaqiyatlilardan biriga aylanadi.
Meril Strip — Miranda Pristli
2023-yil dekabr oyida “Qattiqqo‘l xonim” (2006) prodyuseri Vendi Finerman “Gollywood Gold” podkastida rejissyorlar dastlab Miranda Pristli rolini Meril Strip ijro etishini xohlamaganliklarini aytadi.
Loren Vaysbergerning shu nomdagi kitobi asosida rejissyor Devid Frankel tomonidan suratga olingan “Qattiqqo‘l xonim” filmi 2006-yilda chiqarilgan. U Meril Stripga komediyadagi eng yaxshi ayol roli uchun “Oltin globus” mukofotini va eng yaxshi bosh roldagi aktrisa uchun “Oskar” nominatsiyasini taqdim etadi.
Deniel Kreyg — Jeyms Bond
2005-yilda Pirs Brosnanning davomchisi Bond muxlislariga shunchalik yoqmaydiki, ular hatto craignotbond.com veb-saytini yaratib, u yerda Deniel Kreygga nisbatan norozilik bildirishadi.
Ammo Deniyel Kreyg ijro etgan “Royal kazinosi” filmi butun dunyo bo‘ylab 600 million dollardan ortiq daromad keltirgan holda tarixdagi eng yuqori daromadli Bond haqidagi filmga aylanadi.
Mark Ruffalo — Xalk
Dramalardagi rollari bilan mashhur bo‘lgan aktyor Mark Ruffalo uchun ulkan, yashil yirtqich maxluq rolini o‘ynash dastlabki tajriba edi. “Bu juda jasur yoki noadekvat tanlov”, deb yozgandi o‘sha paytda Daily Telegraph jurnalisti.
Prodyuserlarning jasorati o‘zini oqlaydi. Ruffalo ijro etgan Xalk Marvel’ning eng yaxshi obrazlaridan biriga aylanadi.
Kichik Robert Dauni — Temir odam
1990-yillarda kinostudiyalar kichik Dauni bilan hamkorlik qilishni istamaydi: kokainga qaramlik, mast holda mashina haydaganlik uchun jarimalar va uylarga bostirib kirish ayblovlari aktyorning obro‘sini tushirgandi.
Biroq Jon Favro tavakkal qilishga qaror qiladi va o‘zining “Temir odam” filmida bosh rolga kichik Daunini tasdiqlaydi va u adashmaydi. Toni Stark haqidagi filmlar Marvel’ning eng muvaffaqiyatli moslashuvlaridan biri hisoblanadi va Robertning o‘zi 2015-yilda dunyodagi eng ko‘p maosh oluvchi aktyorlar ro‘yxatida yetakchilik qilgan.
Izoh (0)