Odatda aktrisa yoki qo‘shiqchi haqida gap ketganda birinchi navbatda uning mashhur rollari yoki xit qo‘shiqlarini eslaymiz. Biroq ba’zida hatto ularining kasbiy faoliyati bilan bir qatorda, ko‘pchilik bilmaydigan hayotning sahna ortidagi qismi borligiga shubha qilmaymiz.
Keyt Uinslet plastik jarrohlik va fotoshopning ashaddiy raqibi
Uinslet plastik jarrohlikka shu qadar qarshiki, u o‘z pozitsiyasini qo‘llab-quvvatlaydigan boshqa taniqli odamlarni o‘z ichiga olgan butun boshli liga yaratdi. Aktrisa bu haqda shunday deydi: “Men hech qachon taslim bo‘lmayman. Bu ota-onam bergan tarbiyamga va o‘zim tabiiy go‘zallik deb hisoblagan narsalarimga ziddir. Men aktrisaman va yuzimni muzlatmoqchi emasman”.
Shuningdek, Uinslet fotoshopga ham qarshi. 2021-yilda u bosh rolni o‘ynagan “Isttaunlik Meyr” teleseriali afishasining ikkita variantini rad etadi. Aktrisa afishada “juda retushlangan” ko‘rinardi. Bundan tashqari, Keyt sahnalarning birida qornini retush qilishdan ham bosh tortadi.
Jennifer Lourens va uning katta xayriya tashkilotlari
Jennifer Lourensni katta qalbga ega saxiy odam deb atash mumkin. 2015-yilda u bir nechta xayriya tashkilotlarini qo‘llab-quvvatlaydigan jamg‘armaga asos solgan. 2016-yilda aktrisa o‘zi tug‘ilib o‘sgan Luisvildagi bolalar shifoxonasiga 2 million dollar xayriya qilgan. U pulni yangi kardiologiya bo‘limi tashkil etishga sarfladi: “Umid qilamanki, sovg‘am barcha jasur bolalarni qo‘llab-quvvatlaydi”. Jenniferning onasi Karen qizining “Oskar” mukofotiga sazovor bo‘lgan aktrisa ekanligidan ko‘ra ko‘proq xayriya ishlari bilan faxrlanadi.
Meril Strip “Temir xonim” filmidan olgan gonorarining hammasini muzeyga o‘tkazgan
Dastlab Meril Strip Margaret Tetcher rolini rad etmoqchi bo‘ladi, ammo keyinchalik bu rolga rozi bo‘ladi. Aktrisa mazkur obrazi uchun “Oskar”ni ham qo‘lga kiritadi. Aktrisa filmdan olgan 1 million dollar gonorarini xayriya ishlariga — Vashingtondagi Ayollar tarixi milliy muzeyiga beradi.
Emma Uotson ekokiyim kiyishni afzal ko‘radi
Emma Uotson atrof-muhitni asrovchi ekolog sifatida ham tanilgan. U barqaror modani afzal ko‘radi va ekologik toza kiyim kiyadi. Aktrisa qayta ishlangan plastik butilkalardan tikilgan liboslarda, organik ipak va hatto mato qoldiqlaridan tikilgan kiyimlarda bir necha bor paydo bo‘lgan.
Viktoriya Bekhem garderobidagi 600 ta buyumni sotib, tushgan pulni xayriya ishlariga sarflagan
2014-yilda Viktoriya Bekxem garderobidagi 600 ta narsasini sotib, tushgan mablag‘ni ona-bolalar o‘rtasida OIV va OITS yuqishini bartaraf etishga ixtisoslashgan jamg‘armaga xayriya qildi: “Bu kiyimlarning barchasi aqlbovar qilmaydigan sarguzashtlarni boshdan kechirgan. Ulardan juda zavqlanardim. Endi esa o‘zim juda yaxshi ko‘rgan narsamni boshqalar bilan baham ko‘rmoqchiman”.
Beyonse 13 yoshli muxlisiga hurmat bajo keltirgan
O‘zining YouTube’dagi rasmiy kanaliga Beyonse muxlisi Lirik Shanel suratga tushgan videoni joylashtiradi, sahna ortida qo‘shiqchi o‘zining hit qo‘shig‘ini ijro etadi. Video so‘ngida Beyonse “Men seni butun qalbim bilan sevaman”, deydi. Ikki kun oldin qiz markaziy asab tizimi saratonidan vafot etgandi. Xonanda iste’dodining yosh muxlisiga otkritka bilan gullar yuborishga ham ulgurgan. Lirikning onasi ijtimoiy tarmoq orqali qo‘shiqchiga shunday ta’sirli video uchun minnatdorlik bildiradi.
Sandra Bullok selfiga mutlaqo qarshi
Bir paytlar Sandra Bullok selfi qilishni yomon ko‘rishini tan olgandi: “Selfi tushish orqali haqiqiy hayotimizni yashiramiz. Axir, bolangizga baqirganingizda o‘zingizni dahshatli ota-ona sifatida suratga olmaysiz. Selfi bu — haqiqiy hayotning noto‘g‘ri aksi”. Aytgancha, aktrisa ijtimoiy tarmoqlardan foydalanmaydi. Bullokning so‘zlariga ko‘ra, 1995-yilda “Tarmoq” filmidagi roli sabab u ijtimoiy tarmoqlarning noto‘g‘ri tomonlarini o‘rgangan, shuninh uchun ham ulardan foydalanishni xohlamaydi.
Bella Hadid kam ta’minlangan bolalarga o‘yinchoqlar sovg‘a qilgan
Yangi 2021-yil arafasida Bella Xadid va uning do‘stlari o‘yinchoqlar sotib olib, nochor bolalarga sovg‘a qilishdi. Odamlarni ham shunday qilishga undash uchun u ijtimoiy tarmoqqa o‘zining xayriya ishlarining parda ortidagi videosini joylashtiradi. Bu o‘yinchoqlar 250 oilaga tarqatiladi.
Mavzuga doir:
Izoh (0)