O‘zbekiston milliy terma jamoasining sobiq futbolchisi Vitaliy Denisov terma jamoaning tarixiy natijasi — ilk bor Jahon chempionatiga chiqishi haqida fikr bildirdi.
Hech shubhasiz, Toshkent o‘sha tun hayajon va quvonchga to‘ldi. Musulmonlar uchun muhim bayram bo‘lishiga qaramay, odamlar ko‘chalarda sayr qilib, nafaqat bayramni, balki mundial yo‘llanmasini ham nishonlashdi. Internet portlab ketgandek edi. Eng muhim vazifa bajarildi, endi esa bunga to‘xtab qolmasdan, yangi marralarni ko‘zlash va yanada oldinga intilish kerak, dedi Denisov “VseProSport” nashriga bergan intervyusida.
Eslatib o‘tamiz, O‘zbekiston terma jamoasi saralash bosqichi 9-turida Birlashgan Arab Amirliklari bilan 0:0 hisobida durang o‘ynab, guruhda ikkinchi o‘rinni egalladi va mundial yo‘llanmasini qo‘lga kiritdi.
Temur Kapadze jamoasi navbatdagi o‘yinni 10-iyun kuni o‘tkazadi. “Oq bo‘rilar” Toshkentdagi “Bunyodkor” stadionida Qatarni qabul qiladi. Bellashuv 18:45 da boshlanadi.
Izoh (0)