Agar yulduz bo‘lsangiz, unda nafaqat muxlislar va paparatssilar, balki o‘g‘ri va talonchilarning ham e’tibor markazida bo‘lasiz.
Peris Xilton
Sohibjamol mallasoch 2008—2009-yillarda Gollivudda faoliyat yuritgan Bling Ring to‘dasining qurboni bo‘ladi. Yetti nafar o‘smir va bir nafar katta yoshli kishidan iborat bu to‘da shu yo‘l bilan mashhur bo‘lishni xohlagan. Ular juda original usulni tanlaydi — to‘da mashhurlarning uylariga bostirib kirib, pul va qimmatbaho narsalarni olib ketishadi.
Reychel Bilson, Orlando Blum, Megan Foks, Lindsi Loxan va boshqalar talon-toroj qilinadi. Ammo Peris ko‘p marta ularning quboniga aylanadi — o‘g‘rilar unikiga bir necha bor bostirib kirishadi va u katta moddiy zarar ko‘radi. O‘g‘irlangan tovarlarning umumiy miqdori 3 million dollarga baholangan. Aytgancha, Loxan tufayli jinoiy guruh qo‘lga olinadi — uning uyida jinoyatchilarning yuzlari kuzatuv kameralariga tushib qolgan va politsiya ularni aniqlashga muvaffaq bo‘lgan. Sud jarayoni ham shov-shuvga sabab bo‘lgan, natijada 2013-yilda Sofiya Koppola Bling Ring to‘dasi haqida film suratga oladi.
Kim Kardashyan
Mashhurlarni tunashning eng dahshatli holatlaridan biri 2016-yilda Parijda Kim Kardashyanga qilingan hujum edi. O‘shanda Kim mehmonxonadagi xonasida yolg‘iz qoladi, chunki tansoqchisi singlisi Kayli va Kendallga hamroh bo‘lib ketgandi. Hammasi erta tongda sodir bo‘ladi — o‘g‘rilar kirib, yulduzning qo‘llarini bog‘lab, Kardashyanning shaxsiy narsalarini sindirishadi va unga qurol o‘qtalishadi.
Ular oxir-oqibat 4 million dollarlik uzukni, shuningdek, Cartier va Lorraine Shvarts’dan umumiy qiymati taxminan 5,6 million dollarlik boshqa zargarlik buyumlarini olib ketishadi. Kardashyan haligacha o‘sha kecha hayotini o‘zgartirib yuborganini eslaydi va o‘shandan beri yangi zargarlik buyumlarini sotib olmaganini aytadi.
Rianna
2018-yilda Bling Ring to‘dasining izdoshlari paydo bo‘ladi — ulardan birining onasi boshchiligidagi bir guruh o‘smirlar ijtimoiy tarmoqlar tufayli Rianna uyda yo‘qligini aniqlashadi va o‘g‘rilikka tushishadi. Talonchilar Los-Anjelesdagi taniqli beysbolchilarning uylarini tunashda ham ishtirok etgan. O‘g‘rilar yo‘l bo‘yidagi tekshiruv vaqtida qo‘lga olinadi. Politsiya o‘smirlardan beysbolchi Robert Vudsga tegishli narsalarni, shuningdek, 50 ming dollar naqd pul va zargarlik buyumlarini topadi. Jinoyat guruhi 24 ta mashhurlarning uyini talon-taroj qilgani taxmin qilinadi.
Saymon Kouell
Britaniyalik teleboshlovchi ham 2015-yilda talonchilik qurboni bo‘lgan. Ammo ko‘plab yulduzlar uyida yo‘qligida talon-taroj qilingan bo‘lsa-da, hujum sodir bo‘lganida Kouell oilasi, shu jumladan, ikki yoshli o‘g‘li bilan uyda uxlayotgan edi. O‘g‘ri qariyb 1 million dollarlik qimmatbaho buyumlar, jumladan, zargarlik buyumlarini, shuningdek, er-xotinning ikkita pasportini ham olib ketgan. Keyinchalik ma’lum bo‘lishicha, mazkur talonchi yana 37 ta o‘g‘riliklarda ishtirok etgan. Yaxshiyamki, bu hodisada hech kim jabrlanmaydi, biroq Kouell bu voqeadan so‘ng o‘g‘lining xavfsizligi haqida tashvishga tushib qolganini tan oladi.
Tina Noulz
2023-yilning yozida Beyonse onasining uyiga o‘g‘rilar bostirib kirib, ichida 1 million dollardan ortiq naqd pul va zargarlik buyumlari bo‘lgan seyfni o‘g‘irlab ketishadi. Ammo seyflarni o‘g‘irlash odatiy hol emas — jinoyatchilar ularni verandalar va balkonlarning keng derazalari orqali tortib olishadi. Politsiya jinoyatchilar Noulzning uyidagi seyf va qimmatbaho buyumlar haqida ma’lumotga ega bo‘lgan va talonchilik tasodif emas deb hisoblashgan.
Izoh (0)