АҚШ президенти Дональд Трампнинг тўнғич ўғли кичик Дональд Трамп ўзида “истеъдод” борлигини айтиб, келажакда президентликка номзодини қўйиши мумкинлигини билдирди. Бу ҳақда Reuters хабар бермоқда.
Таъкидланишича, Қатардаги панел сессияларидан бирида сўзга чиққан 47 ёшли Трампга отаси лавозимини тарк этганидан сўнг “эстафетани қўлга олиш” нияти бор-йўқлиги ҳақида савол берилган.
“Хулоса шундай: аниқ билмайман, балки бир кун келиб шундай бўлар. Биласизми, истеъдод бор. Мен ҳар доим бу нарсаларнинг жуда фаол тарафдори бўлиб қоламан. Менимча, отам ҳақиқатан ҳам Республикачилар партиясини ўзгартирди”, дея жавоб берган у.
Кичик Трамп 1789 Capital инвестиция компаниясининг ҳамкори ҳисобланади. Шунингдек, у ўша тадбирда ўзи ижрочи вице-президент лавозимида ишлайдиган Trump Organization давлат тузилмалари билан бизнес алоқаларини олиб бормаслигини таъкидлаган.
АҚШ президенти Дональд Трампнинг бир гуруҳ тарафдорлари унинг яна бир муддат ўз лавозимида қолиши учун конституцияни қайта ёзиш кампаниясини бошлагани хабар қилинганди.
Изоҳ (0)