АҚШнинг амалдаги президенти Жо Байден ҳамда собиқ президент Дональд Трамп 2 апрель куни АҚШнинг яна тўрт штатида Демократлар ва Республикачилар партиясидан номзодликни қўлга киритди. Бу ҳақда Accosiated Press хабар берди.
Байден ва Трамп Род-Айленд, Коннектикут, Нью-Йорк ва Висконсин штатларида ўтказилган праймеризларда осонлик билан ғалаба қозониб, шу ёзда партия қурултойларида кўпроқ делегатларни қўлга киритди.
Ҳозирда Байден 92,2 фоиз (қайта ишланган овозларнинг 19 фоизи) ва Трамп 79,1 фоиз (қайта ишланган бюллетенларнинг 10 фоизи) билан етакчилик қилмоқда.
Бунгача Трамп Олий судга мактуб ёзиб, унда 2020 йилги президентлик сайлови натижаларини бекор қилишга уриниш айбловларидан мутлақ иммунитетга эга бўлишини талаб қилган эди. Трампнинг рақиби Никки Ҳейли Республикачилар партиясидан номзодлик учун курашдан чиқиб кетганидан кейин Трамп ва Байден эътиборини умумий сайловга қаратган. Ўтган ой Байден Иттифоқ ҳолати бўйича нутқ сўзлаганидан сўнг сайловолди штаб-квартираларига ташриф буюрган.
Расмий равишда АҚШ президентлигига номзодлар ёзда ҳар икки партиянинг қурултойларида эълон қилинади. Президентлик сайловларининг ўзи эса 5 ноябрда ўтказилиши белгиланган.
Изоҳ (0)