Камида 229 нафар конгрессмен, жумладан, 43 сенатор ва 23 нафар штат губернатори АҚШ вице-президенти Камала Ҳарриснинг мамлакат президентлигига номзодини қўллаб-қувватлаган.
Бу ҳақда Axios портали хабар берди.
“Байден қайта сайланишга уринмаслигини эълон қилганидан 30 соат ўтгач, Демократлар палатасининг 186 аъзоси, 43 сенатор ва 23 губернатор Ҳарриснинг номзодини маъқуллади”, дейилади хабарда.
АҚШда президентлик сайлови шу йилнинг 5 ноябрь куни бўлиб ўтади. Демократик партиядан амалдаги президент Жо Байден номзодини қўйиши тахмин қилинган эди. Бироқ июнь ойида президентликка номзод Дональд Трамп билан бўлиб ўтган дебатдаги муваффақиятсиз чиқишдан сўнг, демократлар ўртасида Байденни курашдан воз кечишга чақириқлар кучайиб кетди.
21 июль куни Жо Байден президентлик пойгасидан чиқишини эълон қилди.
Сизнинг президентингиз сифатида хизмат қилиш ҳаётимдаги энг катта шараф бўлди. Мен қайта сайланиш ниятида бўлган бўлсам-да, ўз партиям ва мамлакатим манфаатларига кўра, номзодимни рад этишим ва қолган муддат давомида фақат президентлик вазифамни бажаришга эътибор қаратишим керак деб ҳисоблайман, деди у.
Изоҳ (0)