Эрон олий раҳбари Али Хоманаий юқори мартабали эронлик расмийлар билан учрашувда Вашингтоннинг музокаралар таклифидан кўзланган мақсад “ўз талабларини мажбуран қабул қилдириш” эканлигини таъкидлади.
Эрон раҳбарининг билдиришича, Эрон АҚШнинг қўрқитишлари остида музокара олиб бормайди
“Баъзи ҳукуматлар босим ўтказиш орқали музокараларни муаммоларни ҳал қилиш воситаси сифатида эмас, балки янги талабларни илгари суриш йўли сифатида ишлатади. Гап фақат Эроннинг ядро дастури ҳақида эмас... Эрон уларнинг умидларини, албатта, оқламайди”, деган Хоманаий, Трампни бевосита тилга олмаган ҳолда.
Куни кеча АҚШ президенти Дональд Трамп Оқ уйда чиқиш қилиб, Эроннинг ядро қуролига эга бўлишига йўл қўйиб бўлмаслигини айтган эди.
“Муҳокама қилинадиган навбатдаги мавзу Эрон бўлади. Олдинда Эронни қизиқарли кунлар кутмоқда. Ҳозирча мен сизга фақат шуни айта оламан”, деб таъкидлаган эди Америка раҳбари Оқ уйда журналистлар билан суҳбатда.
Маълумот ўрнида, 2015 йилда Эрон ва “Катта еттилик” (АҚШ, Буюк Британия, Франция, Германия, Россия, Хитой) ўртасида “Биргаликдаги кенг қамровли ҳаракатлар режаси”ни имзолаш учун ҳаракатлар бошланган эди.
Бироқ 2017 йилдаги Америкада бўлиб ўтган президентлик сайлови натижасида ҳокимиятга келган Дональд Трамп бу келишувни танқид қилди ва уни бекор қилишга интилди. Кейинчалик, 2018 йилда АҚШ расмий равишда келишувдан чиқади ва Эрон устидан санкцияларни қайта жорий қилган эди.
Изоҳ (0)