AQSH prezidenti Donald Trampning to‘ng‘ich o‘g‘li kichik Donald Tramp o‘zida “iste’dod” borligini aytib, kelajakda prezidentlikka nomzodini qo‘yishi mumkinligini bildirdi. Bu haqda Reuters xabar bermoqda.
Ta’kidlanishicha, Qatardagi panel sessiyalaridan birida so‘zga chiqqan 47 yoshli Trampga otasi lavozimini tark etganidan so‘ng “estafetani qo‘lga olish” niyati bor-yo‘qligi haqida savol berilgan.
“Xulosa shunday: aniq bilmayman, balki bir kun kelib shunday bo‘lar. Bilasizmi, iste’dod bor. Men har doim bu narsalarning juda faol tarafdori bo‘lib qolaman. Menimcha, otam haqiqatan ham Respublikachilar partiyasini o‘zgartirdi”, deya javob bergan u.
Kichik Tramp 1789 Capital investitsiya kompaniyasining hamkori hisoblanadi. Shuningdek, u o‘sha tadbirda o‘zi ijrochi vitse-prezident lavozimida ishlaydigan Trump Organization davlat tuzilmalari bilan biznes aloqalarini olib bormasligini ta’kidlagan.
AQSH prezidenti Donald Trampning bir guruh tarafdorlari uning yana bir muddat o‘z lavozimida qolishi uchun konstitutsiyani qayta yozish kampaniyasini boshlagani xabar qilingandi.
Izoh (0)