Европа Иттифоқи шошилинч ёрдам сифатида “Озодлик радиоси”га 5,5 миллион евро ажратишга келишиб олди. Бу ҳақда Европа дипломатияси раҳбари Кая Каллас маълум қилди.

Калласнинг сўзларига кўра, Европа блокига аъзо давлатларнинг ташқи сиёсий идорлари раҳбарлари бу бўйича келишувга эришган. Маблағ “Озодлик радиоси”нинг ҳаётий муҳим фаолиятини қўллаб-қувватлаш учун” ажратилади.

Қисқа муддатли фавқулодда молиялаштириш мустақил журналистика учун суғуртадир, дея Кай Калласнинг сўзларини келтирмоқда Associated Press.

Маблағлар “Европа демократия фонди” нодавлат ташкилоти орқали йўналтирилади. Улар Европа Иттифоқига қўшни давлатлар, жумладан, Кавказ ва Марказий Осиё минтақаларида эшиттирисҳ учун сарфланади. Чехия ҳукумати штаб-квартираси Прагада жойлашган “Озодлик радиоси” учун маблағ топиш бўйича Европа Иттифоқининг саъй-ҳаракатларига бошчилик қилмоқда. 

Калласнинг таъкидлашича, “Озодлик радиоси” узоқ муддатли молиялаштириш учун ҳали ечим топиш керак.

Аммо эркин оммавий ахборот воситаларини қўллаб-қувватлаш Европа Иттифоқи инвестицияларининг стратегик йўналиши бўлиб қолмоқда, дея қўшимча қилди Европа комиссари.

Май ойи бошида Швеция ҳукумати “Озодлик радиоси”ни қўллаб-қувватлаш учун 20 млн швед кронаси (1,84 млн евро) ажратганди.

АҚШ “Озодлик радиоси”ни молиялаштиришни қисқартирди

“Озодлик радиоси” бош қароргоҳи Прагада жойлашган халқаро медиа корпорацияси бўлиб, 1953 йилда эфирга узатила бошланган. Унинг дастурлари 23 мамлакатда 27 тилда эфирга узатилади. Корпорация фаолияти илгари АҚШ Конгресси томонидан Американинг Глобал Медиа Агентлиги (УСАGM) орқали ажратилган маблағлар ҳисобидан молиялаштирилган. 2024 йилда “Озодлик радиоси” бюджети 142 миллион долларни ташкил этди.

2025 йил 15 мартда УСАGM ушбу маблағни илгари АҚШ Конгресси маъқуллаган бўлса-да, “Озодлик радиоси” маблағларини қайтариб олди. Ой охиридаёқ агентлик ўз қарорини бекор қилди. Шунга қарамай, “Озодлик радиоси” адвокатларига кўра, 122 нафар ходим ишдан бўшатилган ва деярли барча штатдан ташқари муаллифлар билан тузилган шартномалар бекор қилинган.

“Озодлик радиоси” ҳокимиятдан мустақил ташкилот сифатида ўз фаолиятини тўхтатмади. 30 апрель куни АҚШ федерал судьяси Ройс Ламберт вақтинчалик чора кўриш тўғрисида буйруқ чиқарди. Унга кўра, Дональд Трамп маъмурияти “Озодлик радиоси”га Конгресс томонидан илгари маъқулланган маблағлардан 12 млн доллар ажратиши керак. 2025 йил октябригача “Озодлик радиоси” ҳукуматдан тасдиқланган маблағдан яна 77 миллион доллар олиши лозим.