Европа комиссияси камбағал мамлакатларга бериладиган хорижий ёрдамдан кўпроқ фойда олишни ва Европа устуворликларига мос келадиган бир қатор шартларни қўшишни истайди. Бу ҳақда ички ҳужжатга асосланиб Politico хабар берди.
“ЕК Брюсселда ишлаб чиқилаётган зиддиятли режа доирасида камбағал мамлакатларга таклиф қиладиган хорижий ёрдамдан кўпроқ фойда олишни хоҳлайди... Шу сабабли ЕК хорижий ёрдам ва энергетика ҳамда миграция каби ички устуворликлар ўртасидаги алоқани кучайтирмоқчи”, деб ёзади нашр.
Таъкидланишича, ЕК ривожланаётган мамлакатларга ўтказиладиган маблағларга, масалан, миграция оқимини тўхтатиш зарурати каби шартларни қўшиш ниятида. Режанинг асосий ғояси Африка ёки Яқин Шарқ каби минтақаларга нафақат қашшоқликка қарши курашиш, балки Европа Иттифоқи мамлакатларининг ички устуворликларини амалга ошириш учун маблағ йўналтиришдан иборат.
“Ушбу ҳамкорлик пакетлари ташқи ҳаракатлар, энергия хавфсизлиги ва муҳим хом ашё етказиб бериш каби ички устуворликлар ўртасидаги алоқани мустаҳкамлайди”, дея иқтибос келтирмоқда нашр ЕК раҳбари Урсула фон дер Ляйеннинг бюджет бўйича комиссар Пётр Серафинга йўллаган ички мактубидан.
Нашрнинг таъкидлашича, янги режаларнинг потенциал жорий этилиши Европа Иттифоқининг ривожланиш кун тартибини АҚШ ва Буюк Британия кун тартибига ўхшатиб қўяди. Бу давлатлар ички сайловчилар устуворликларига эришиш учун хорижий ёрдамдан фойдаланади. Шу билан бирга, мақолада қайд этилишича, тўловларга қўшимча шартларни қўшиш учун Европа Иттифоқи асосий қонун чиқарувчиларни, турли нодавлат нотижорат ташкилотлари ва аъзо мамлакатларни янги қоидаларни бир овоздан маъқуллашга ишонтириши керак, аммо бу осон бўлмаслиги мумкин.
“Ҳеч бир аъзо давлат бундай ёндашувни қўллаб-қувватламайди”, деди Европа Иттифоқининг номи ошкор этилмаган дипломати.
Шунингдек, янги модел жиддий маъмурий ўзгаришларга олиб келиши қайд этилган.
Кўриб чиқилаётган режа доирасида ЕК ҳар бир бенефициар давлат билан иқтисодий ҳамкорликни ишлаб чиқади, ёрдамни кенгроқ савдо ва иқтисодий алоқалар билан боғлайди. Шунингдек, янги модел жиддий маъмурий ўзгаришларга олиб келиши қайд этилган. Масалан, стратегия миграция ва хорижий инвестициялардан тортиб, можароларнинг олдини олишгача бўлган бир нечта турли дастурларни географик тоифаларга бўлинган ягона Глобал Европа жамғармасига бирлаштиришга қаратилган бўлади.
Европа Иттифоқининг дипломатик бўлими хориждаги 10 та ваколатхонаси фаолиятини қисқартиришга, 100 га яқин маҳаллий ходимни ишдан бўшатишга тайёргарлик кўраётгани хабар қилинганди.
Изоҳ (0)