62 ёшида Деми Мур узоқ вақт орзу қилган ички ҳотиржамликни таратади. “Субстанция” фильмининг юлдузи янги интервьюсида йиллар давомида танасига бўлган муносабатини қандай ўзгартирганини ва ўзининг кундалик парвариш муолажаларининг асосини нима ташкил қилганини айтиб берди.
“Мен ўзимга нисбатан жуда қаттиққўл эдим, ўз танамга деярли душманона, антагонистик муносабатда эдим. Доимий диеталар, чарчатадиган машғулотлар билан уни жазолардим. Бир куни мен шунчаки ҳамма нарсани қўйиб юбордим. Ўзлигимча бўлиш қандай эканлигини билмоқчи эдим”.
Актриса 90 йилларда суратга олиш ҳақида гапириб берди. Бу лаҳза унинг учун ҳақиқий озодлик бўлди.
“Мен таомланишимни назорат қилишни тўхтатдим ва биринчи марта танамни чинакам қабул қилдим. Ҳатто у менинг кутганларимга мос келмаса ҳам — мен унга шунчаки рухсат бердим. Ҳозир мен уни тинглайман: агар у овқат ёки ичимлик истаса — мен уни эшитаман. Мен энди танамдан қўрқмайман. Биз энди иттифоқдамиз, бир томондамиз”, деб қўшимча қилди Деми.
-j1Hmghmi.avif)
Бугунги кунда актрисанинг тонги қисқа медитация ва кундаликка ёзувлар билан бошланади. Рацион гўштсиз лекин тухумли ҳамда тўйинган озуқавий маҳсулотлардан иборат. Жисмоний саломатлик унинг учун муҳим бўлиб қолса ҳам, асосий эътибор ички ҳолатга қаратилган.
“Мен уйқу, руҳий хотиржамлик ва ўз-ўзини қабул қилиш қанчалик муҳимлигини англадим. Мен идеал эмасман ва бунга интилаётганим ҳам йўқ. Мен шунчаки ўзимга қарши чиқмайман. Ҳамма гап шунда” деб хулоса қилди у.
Изоҳ (0)