2022 йил бошида фронтотемпорал деменция (FTD) ташхиси қўйилган Голливуд актёри Брюс Уиллиснинг соғлиғи ёмонлашгани айтилмоқда.
Бу деменциянинг эрта бошланишига олиб келадиган нейродегенератив касаллик бўлиб, 70-75 фоиз ҳолларда 40 ёшдан 65 ёш оралиғида кузатилади. Статистик маълумотларга кўра, FTD барча деменция ҳолатларининг 20 фоизини ташкил қилади. Уни даволаб бўлмайди, бемор охир-оқибат тилдан қолиш, мантиқий фикрлаш ва мустақил ҳаракат қилиш қобилиятини йўқотиши мумкин.
Маълумотларга кўра, актёрнинг аҳволи кундан кунга ёмонлашиб бормоқда. Энди у бошқа ўқий олмайди ва умуман сўзлаша олмайди ҳам. Оиласи уни қўллаб-қувватлаш учун актёр билан кўпроқ вақт ўтказишга ҳаракат қилмоқда. Вақти-вақти билан ижтимоий тармоқларда унинг соғлиғи ҳақида маълумотлар ҳам бериб боришяпти.
Фото: Lisa.ru
2022 йилнинг март ойида актёр Брюс Уиллиснинг оила аъзолари унинг ижодий фаолияти якунига етгани, Голливуд юлдузида афазия — бош мия қобиғи шикастланиши натижасида юзага келадиган нутқ бузилиши аниқланганини маълум қилган эди.
Деменция даҳшатли нейродегенератив касаллик бўлиб, ҳеч кимни аямайди. Ҳозирда Брюс собиқ хотинини танимаса ҳам, хайриятки, ҳали ҳам хотини Эмма ва унинг болаларини танийди. Актёрнинг оила аъзолари — рафиқаси Эмма Хемминг, қизлари ва ҳатто собиқ рафиқаси Деми Мур ҳамиша унинг ҳолидан хабар олиб туради.
Аввалроқ Брюс Уиллис хасталигига қарамай, узоқ вақтдан бери биринчи марта омма олдида кўриниш берди. У Лос Анжелесдаги ёнғинларга қарши курашаётган қутқарувчиларни қўллаб-қувватлаш учун ҳодиса жойига келди. Актёр жабр кўрганларнинг қўлларини жимгина силкитди, лекин шунинг ўзи ҳам аҳоли учун катта бир таскин эди.
Изоҳ (0)