Фильмдаги роли учун жиддий қурбонлик қилган Голливуд актёрлари

Мазкур актёрлар роллари учун муҳим мукофотга сазовор бўлган, аммо айнан шу образи туфайли ўз саломатлигига путур етказган.

Марлон Брандо

Йигирманчи асрнинг энг машҳур актёрларидан бири айнан Марлон Брандодир. Карьераси давомида у “Оскар”, “Олтин глобус” ва Британия киноакадемиясининг учта мукофоти билан тақдирланган. Марлон 1950 йилда суратга олинган “Эркаклар” фильмидаёқ оламшумул машҳурликка эришган. Ушбу фильмда актёр яраланиб, оёқлари фалаж бўлиб қолган лейтенант Кен Вилчек ролини ижро этган. Тикланиш эҳтимоли кам бўлгани сабабли Кен депрессияга тушиб қолади.

Қаҳрамонини ҳаққоний тасвирлаш учун юлдуз бутун бир ой давомида ҳарбий касалхонада яшаган. У ерда оёқ-қўллари бўлмаган эркакларнинг хатти-ҳаракатларини, палатада қандай ҳаракат қилишларини ва уларнинг ҳиссий ҳолатини кузатган. Брандо уларга ўхшашга ҳаракат қилган, фақат қўлларидан фойдаланган ҳолда ётоғидан ўрнидан туриб, ногиронлар аравачасига ўтиришни ўрганган.

Қизиғи шундаки, касалхонада актёр қўлсиз аскар билан дўстлашган. У Марлонга қўлсиз сигарета чекишни ўргатган.

Руни Мара

2011 йилда Руни “Аждар татуировкали қиз” детектив триллерида бош ролни ўйнаган. Ажойиб ижроси учун актриса “Оскар” мукофотига номзод бўлади. Лекин бу рол оэтида машаққатли меҳнат ётганини кўпчилик билмайди.

Мара нафақат узун сочларини кесиб, уларни қора рангга бўяган, балки қошларини ҳам қирдириб, пирсинг қилдиради. Шунингдек, актриса, қаҳрамони ҳақиқий чиқиши учун қаттиқ диетага амал қилади.

“Биласизми, китобдаги қаҳрамоним баъзида 14 ёш деб ўйлаш мумкин бўлган қиз сифатида тасвирланган, ва бу биз учун жуда муҳим эди. Менимча, бу қаҳрамоннинг жуда муҳим жиҳати, уни янада қизиқарли ва мураккаб қилади. У бола каби, аммо ёшига қараганда ақлли. Бу фильмни актёрлик карьерамда катта бир тажриба сифатида қабул қилдим”.

Меттю Макконаҳи

Меттю учун 2013 йилда “Даллас клуби харидорлари” фильмидаги Рон Вудруф ролини ўйнаш синов бўлган. Мазкур роли учун актёр паст калорияли диетага ўтган. Фильмда Макконаҳи фақат 64 килогача озган, бу унга касал одамни тасвирлашда ёрдам берган, чунки у ўзини айнан шу тарзда ҳис қилган.

Актёр бир неча бор бош оғриғи, кўриш қобилиятининг ёмонлашуви, оғриқлар ва асабийлашишни бошдан кечирган. Суратга олиш ишлари тугагач, биринчи қилган иши — МcDonalds’га бориб, фастфуд сотиб олган.

Хит Лежер

Ҳит Лежерни Жокер ролига танлаганларидан сўнг, у дарҳол ўз қаҳрамонини ўрганишга киришган.

Шу мақсадда актёр 43 кун давомида одамлар билан алоқасиз яшади, Жокерга эмоционал тарзда мослашиш учун фақат бир неча соат ухлаган холос. Бу орқали у ўзида қасоскорлик ва ғазаб ҳисларини уйғотган. Бундан ташқари, Лежер қаҳрамони номидан шахсий кундалик тутган ва унга газеталардан офатлар ҳақидаги янгиликларни, комикс саҳифаларини ва “Мурватли апелсин” фильмидан саҳналарни ёпиштирган.

Ҳитнинг ҳамкасблари у организмини зўриқтириб, уйқусизликка чалинганини ва шу билан ҳаётини хатарга қўйганини айтишган. Суратга олиш ишлари тугагач, актёр катта дозадаги уйқу таблеткалари ва оғриқ қолдирувчи дорилар ичган ва бир куни квартирасида ўлик ҳолда топилган. Расмий изоҳ — дори моддалари билан заҳарланиш.

Бу ролни ижро этгани учун Лежерга ўлимидан кейин “Оскар” мукофоти берилади. Шунингдек, у комикс асосида суратга олинган фильмда рол ижро этган биринчи актёр бўлиб, бу фильм учун уолтин статуэткани қўлга киритади.

Деми Мур

1996 йилда актриса Деми Мур “Аскар Жейн” ҳарбий триллерида бош ролга тайинланди. Ушбу рол учун у узун сочларини кестиради.

Бундан ташқари, у роли учун мушакдор бўлиши керак эди. Бир неча ой давомида у собиқ ҳарбий Скотт Ҳелвенстон билан шуғулланиб, бир қўли билан “отжимания” қилишни ўрганади. Бундан ташқари, ҳар куни 3 километр югуришга чиқади, сузиш ҳавзасига боради ва 100 та қорин қисиш машқларини бажарган.

Аммо кинотанқидчилар Деми Мур ижросини эътироф этмаган ва унга “Олтин малина” мукофотини топширганлар (бу мукофот ёмон ижро этган роллар учун берилади).