Совуқ қуроллардан тортиб ранг-баранг парикларгача: Голливуд юлдузларининг ажабтовур коллекциялари (фото)

Танга ва марка йиғиш сингари одатий буюмларни коллекция қилиш қуйидаги юлдузлар учун хос эмас. Мазкур шоу-бизнес вакилларини ҳашаротлар, ўйинчоқлар ва ғаройиб буюмлар қизиқтиради.

Дастин Хоффман

Актёр ўйинчоқ айиқчаларни, хусусан, Тедди айиқларини коллекция қилишни яхши кўради. Маълумот учун айиқларни Тедди номини олиши Теодор Рузвельт билан боғлиқ бўлиб, у овга чиққанида айиқни ота олмагани учун Тедди номи берилган. Хоффманнинг коллекция учун алоҳида хонаси бор бўлиб, у ерда мингдан ортиқ айиқларни учратиш мумкин.

Том Хенкс

“Форрест Гамп”, “Яшил маскан” ва бошқа бир қанча фильмларда қойилмақом ижроси билан мухлислар қалбидан жой олган актёр эски ёзув машиналарини коллекция қилади. Мухбирларни жини суймайдиган Хенкс интервью беришга фақат битта шарт билан — ёзув машинаси коллекцияси ҳақида қизиқилса, моделлари ҳақида маълумот сўралса ва янги ёзув машинкаси туҳфа қилинсагина рози бўлади, деган миш-мишлар ҳам йўқ эмас. Бундан бир неча йил олдин Talking Dead кўрсатуви бошловчиси Крис Хардвик, 1934 йилда ишлаб чиқарилган Smith Corona ёзув машинкасини юбориб, актёрни дастурда иштирок этишга таклиф қилган. Хенкс эса табиийки ушбу совғадан кейин йўқ дея олмаган.

Деми Мур

Актриса турли қўғирчоқларни коллекция қилади. Бунинг сабабини оддийгина тушунтиради: унинг болалиги ўйинчоқларсиз, ота-она меҳр-муҳаббатисиз ўтган.
Шунинг учун Деми “бўшлиқлари”ни балоғат ёшида тўлдиришга қарор қилади: бўш вақтларида қўғирчоқлар билан ўйнайди. Унинг деярли уйининг ярмини эгаллаган қўғирчоқлар коллекцияси бор.

Женнифер Лопес

Женнифер Лопес мисли кўрилмаган миқдорда турли рангдаги париклар тўпламини сақлайди.

Николас Кейж

Коллекциясидаги “Супермен” ҳақидаги биринчи комикс ўғирланганда ғазабланган Николас энг яхши детективларни ёллайди: қидирув муваффақиятсиз тугайди, ноёб асар топилмайди. 11 йилдан кейин комикс топилади.

Актёр уни тасодифан чодирдан топиб олади. Шамол уни қандай қилиб бу ерга олиб келган — ҳеч ким билмайди. Эҳтимол, кимдир Голливуд юлдузи билан ҳазиллашгандир, лекин ҳаммаси яхши якунланди ва ноёб комикслар “ака-ука”ларининг улкан коллекциясида одатий биринчи ўрнини эгаллади.

Клаудия Шиффер

Топ-модель Шифер ҳашарот, хусусан, ўргимчакларга қизиқишига ишониш қийин. Клаудияда бу қизиқиш болалигида пайдо бўлган ва у соатлаб ўргимчак тўр тўқишини кузатиб ўтирган. Бугунги кунда Шифернинг уйида ўргимчак шаклидаги турли-туман тақинчоқлар ва қотирилган ўргимчаклар коллекциясини учратиш мумкин.

Жонни Депп

Жонни Деппнинг фикрича, ҳамма нарса шляпа билан боғлиқ ва шунинг учун у жуда кўп миқдордаги шляпалар йиғиб, иккита хонага жойлаштирган. Собиқ рафиқаси Ванесса Парадис бундай севимли машғулотидан жуда ғазабланган. Бир марта актёр уйсиз одамдан катта пулга шляпа сотиб олган.

Анжелина Жоли

Актриса совуқ қуроллар йиғишни яхши кўради. Унинг коллекциясида Ренессанс даври ва ўрта асрга оид ханжар ва пичоқларни учратиш мумкин. Жоли берган интервьюларида, мазкур буюмларни уйида, болалари билан эҳтиётсизликлар келиб чиқмаслиги учун қулфланган ҳолда сақлашини таъкидлаган.

Арнольд Шварценеггер

Бир вақтлар у россиялик ҳамкасблари томонидан берилган СССР биринчи шахсларининг бюстларини йиғишни жуда яхши кўрарди — коллекциясини уйининг ҳовлисида намойиш этишга қарор қилмагунча, Арнига бу қувонч келтирган бўлса-да, хотини унинг бу ишидан жуда ғазабланади. Натижада актёр қарори билан келишиб олишга мажбур бўлади: у барча нусхаларни олиб ташлайди, фақат Лениннинг бюстини эсдалик сифатида қолдиради.

Жон Траволта

Болалигидан самолёт моделлари унинг севимли ўйинчоқлари бўлган. Жон учувчи бўлишни орзу қилган. Ҳатто курсант сифатида казармада ҳам яшаган. Аммо бугунги кунда Жон Голливуддаги энг катта ҳақиқий самолётлар коллекциясига эга. Юлдуз шахсий самолётида учганда, ҳар доим казармада полларни тозалашга мажбур қилган ёвуз капрални эслайди.

Элтон Жон

Барча мухлислари ва дўстлари Элтоннинг севимли машғулоти ҳақида билишади: у кўзойнаклар тўплайди. Хонанданинг коллекцияси эса аллақачон кўплаб экспонатлар билан тўлдирилган.

Мадонна

Беқарор хулқ-атвори ва инжиқ табиати билан танилган қўшиқчи буюк рассомларнинг асарларини тўплайди. Баъзи миш-мишларга кўра, бунга у 170 миллион доллардан кўпроқ пул сарфлаган. Унинг коллекциясида Пикассо, Кало ва бошқа машҳур рассомларнинг расмлари мавжуд.