Барча ёш юлдузлар ҳам Голливуд чўққисида ўз ўрнини сақлаб қололмайди. Бу турли сабабларга кўра юз беради: студиялар вояга етган актёрларга қизиқишини йўқотиши мумкин ёки санъаткорларнинг ўзи онгли равишда бошқа йўлни танлаши мумкин.
Эйса Баттерфилд
Инглиз ёзувчисига жаҳон шуҳратини “Йўл-йўл пижамали бола” номли Холокост ҳақидаги драма келтирди. Ўшанда Эйс Баттерфилд 11 ёшда эди, бироқ у ўзининг таъсирчан ижроси билан барчани мафтун этди. Режиссёр Марк Херман эса кейинчалик кастингда юзлаб бошқа номзодларни кўргач, Баттерфилд айнан улар излаётган йигит эканини тушунади.
Бир неча йил ўтиб, Эйс “Вақт қўриқчиси” фильмида ёш ихтирочи Хюго ролини ижро этади. “Эндер ўйини” фантастик фильмидаги бош рол эса унинг муваффақиятини янада мустаҳкамлади. 2014 йилда актёр “Х+Y” мелодрамасида аутизм билан оғриган қаҳрамон ролини ўйнайди. Кейин “Мисс Перегриннинг болалар уйи”, “Орамиздаги коинот” фильмларида суратга тушади.
Фредди Хаймор
Актёр етти ёшидан фильмларда суратга туша бошлаган ва 12 ёшида “Сеҳрли мамлакат” фантастик фильмида Кейт Уинслет ва Жонни Депп билан ишлаш имкониятига эга бўлган. Кейинчалик Жонни Депп Фредди Хайморга “Чарли ва шоколад фабрикаси” фильмида рол таклиф қилган.
Вақт ўтиши билан Чарли Бакeт ролини ижро этган актёрга тобора кўпроқ драматик роллар берилган. “Бейцлар мотели” сериали унинг учун бурилиш нуқтаси бўлди, унда Фредди Норман Бейц образини гавдалантирган ва ҳатто бир нечта қисмларни ўзи режиссёрлик қилган. Томошабинлар Хайморнинг ижросини мақтаб, ҳар ким ҳамдардлик уйғотадиган телба ролини ўйнай олмаслигини таъкидлаган. “Яхши шифокор” сериалидаги аутизм билан оғриган жарроҳ Шон Мерфи образи актёрга “Олтин глобус” мукофотига биринчи марта номзод бўлиш имконини берди.
Жош Хатчерсон
“Ҳаёт-мамот ўйинлари” жангари фильмида Китнисс Эвердиннинг содиқ ҳамроҳи Пит образи актёрга катта шуҳрат келтирди. Бироқ Жош Хатчерсон дастлабки ролини 10 ёшида Питер Фалк билан “Ёввойи кунлар” фильмида ижро этган, кейин эса “Кичкина Манхеттен” романтик комедиясида ва “Терабития мамлакати” фантастик фильмида ёрқин из қолдирган.
2014 йилда Хатчерсон Бенисио Дел Торо билан “Йўқолган жаннат” триллерида продюсер сифатида ўзини синаб кўрди. Жош турли хил лойиҳаларда рол ижро этишни давом эттирмоқда, улар орасида “Асаларичи” жангари фильми ва “Фредди билан беш кеча” даҳшатли фильми ҳам бор.
Томас Броди-Сангстер
Хю Грантнинг амакиваччаси биринчи марта экранда 2001 йилда “Мўжиза” мелодрамасида саратон касаллигига чалинган бола ролини ижро этган. Ўн ёшида Томас Броди-Сангстер “Гитлер: Иблиснинг юксалиши” ҳарбий драмасида ёш фюрер ролини ўйнайди. “Ҳақиқий севги” романтик комедияси, “Патли бола” мини-сериали ва “Менинг даҳшатли энагам” комедияси актёрга муваффақият келтиради.
Бироқ ҳақиқий ютуққа Томас “Жон Леннон бўлиш” биографик фильмида ёш Пол Маккартни ролини ижро этганда эришади. “Лабиринтда югурувчи” ўсмирлар фантастик фильмидаги роли эса санъаткорни янги босқичга олиб чиқади. Ҳозирда Томас Австралияда янги ҳаёт бошлашга қарор қилган собиқ ўғри ролини ижро этаётган “Эпчил фирибгар” сериали билан банд.
Сирша Ронан
“Қутқариш” фильмидаги актёрлик дебюти учун Сирша Ронан “Оскар”га номзод бўлган, ўшанда у атиги 13 ёшда эди. Шундан сўнг таклифлар кетма-кет кела бошлади, аммо Сирша Питер Жексоннинг “Ёқимтой суяклар” драмасидаги бош ролидан кейин машҳур бўлади.
Ронан бир вақтнинг ўзида иккита машҳур режиссёрнинг илҳом манбаига айланди. Уэс Андерсон қизни “Гранд Будапешт меҳмонхонаси” ва “Француз газетаси” фильмларига таклиф этади. Грета Гервиг эса малласоч қизни “Хонқизи” ва “Кичкина аёллар” фильмларида марказий қаҳрамонга айлантиради — сўнгги лойиҳадаги роли Сиршага “Олтин глобус” мукофотини олиб келади.
Изоҳ (0)