Етти нафар фарзанднинг онаси, хусусан, Голливуд юлдузлари Маколей ва Киран Калкинларнинг онаси Патрисия Брентрап турмуш ўртоғи Март Кокс билан зўрға кун кечирмоқда. Маълумотларга кўра, Брентрап Монтана штатидаги чиқиндихона ёнидаги оддий бир қаватли уйда қашшоқликда яшайди. Ўғиллари онасини кўришга камдан кам ташриф буюришади.
“Улар иккаласи ҳам 70 ёшда ва нафақадалар. Ҳозир уларга жуда қийин. Болалар умуман ёрдам беришмайди. Маколей бир оз ёрдам беради. У яқинда ўзининг икки фарзандини онасининг уйига олиб келган”, деди инсайдерлардан бири.
Манба “Уйда ёлғиз” юлдузининг онаси интернет ва телефонсиз, иккита ит ва тўртта от ҳамда эри билан “оддий ҳаёт” кечираётганини айтади. Маколей ҳар ой онасига 1000 доллар юборади, лекин деярли “ҳеч қачон қўнғироқ қилмайди”.
Daily Mail Патрисия Брентрапнинг бир неча йил олдин инсульт ўтказгани ва кейинчалик унда Альцгеймер касаллиги аниқлангани сабабли унга қаровчи кераклигини таъкидлайди. Шунингдек, унинг умумий миқдори 1,2 миллион доллардан ошиқ иккита қарзи бор. Инсайдер ўғилларнинг онасидан “узоқлашишига” айнан молиявий муаммолар сабаб бўлганини истисно қилмайди.
“Улар (Брентрап ва Кокс) самолётга чиқишга имкон топа олмайди. Бундан ташқари, Патрисия энди ёлғиз саёҳат қила олмайди ва уларнинг ўгай отаси Нью Йоркка боришни хоҳламайди”, дейди инсайдер.
Изоҳ (0)